މާލޭ މަގުމަތިން, އަނިޔާތަކެއް ދީފައި އޮތް މީހަކު ފެނެއްޖެ އެވެ.

ފުލުހުން ބުނީ މާލޭގެ މަޖީދީމަގުގައި ހުންނަ "ސޮރީ ބޯއިސް" ކިޔާ ފިހާރަ ކުރިމަތީގައި އަނިޔާތަކެއް ލިބިފައި އޮތް މީހަކު ފެނިގެން ރޭ ދަންވަރު 1:25 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

އެއީ ދިވެހި ފިރިހެނަކު ކަމަށާ އެ މީހާ އައިޖީއެމްއެޗަށް ގެންގޮސް ފަރުވާ ދިނުމަށްފަހު މިއަދު ހެނދުނު 6:19 ހާއިރު ދޫކޮށްލާފައިވާ ކަމަށެވެ. 

މި މައްސަލަ ފުލުހުން ތަހުގީގު ކުރަމުންދާ ކަމަށް ވެސް ބުންޏެވެ. މައްސަލައާ ގުޅޭ އިތުރު މައުލޫމާތު ފުލުހުން ހާމަކޮށްފައެއް ނުވެ އެވެ.