ޕިކަޕް ބެޓެރީތަކެއް ވަގަށް ނަގައިގެން ދެ މީހަކު ހައްޔަރުކޮށްފިއެވެ.

ފުލުހުންގެ މަޢުލޫމާތު ދޭގޮތުގައި، މިއަދު ހެނދުނު 6:54 ގައި ފަރީދީ މަގާއި ޗާންދަނީ މަގު ގުޅޭ ހިސާބުން ދުއްވާފައި ދިޔަ ޕިކަޕެއްގައި ތިބި ބަޔަކާމެދު ތުހުމަތު ކުރެވިގެން ހުއްޓުވައި ބަލައިފާސްކުރި އިރު ވަގަށް ނަގާފައިވާ ކަމަށް ބެލެވޭ 12 ޕިކަޕު ބެޓެރީ ފެނިފައިވެއެވެ.

މި މައްސަލައާ ގުޅިގެން ސ. މަރަދޫފޭދޫ / މާކަރީ ލައިޓް، ޢަލީ އަޙްސަން (32 އަހަރު) އަދި ސ. ފޭދޫ / އަނަސް، މުޙައްމަދު ނިޒާދު (43 އަހަރު) ވަނީ ހައްޔަރުކޮށްފައެވެ.

ފުލުހުން މި މައްސަލަ ދަނީ ތަޙުޤީޤު ކުރަމުންނެވެ. މި މައްސަލައިގައި އިތުރު ތަފްސީލެއް އަދި ހާމަކޮށްފައެއް ނުވެއެވެ.