އޮޅުވާލައިގެން ބިދޭސީއަކު ގެޔަކަށް ވައްދައި ވަޅިން ބިރުދެއްކި އަންހެނަކު ފުލުހުން ހައްޔަރުކޮށްފިއެވެ.
މިކަމާ ގުޅޭގޮތުން ފުލުހުން ބުނީ މި މައްސަލައިގައި ހައްޔަރުކޮށްފައިވަނީ މާލެއަށް ނިސްބަތްވާ މއ. ފޯޗިއުން، އުމުރުން 37 އަހަރުގެ ފާޠިމަތު ޢަލީ ކަމަށެވެ
ފާޠިމަތު ޢަލީ ހައްޔަރުކޮށްފައިވަނީ ރޭ 22:08 އެހާކަންހާއިރު، ބަނގްލަދޭޝް ރައްޔިތަކު މާލެ، ގަލޮޅު ގެއަކަށް އޮޅުވާލައިގެން ގެންގޮސް ވަޅިން ބިރުދައްކައި ފޭރިފައިވާ މައްސަލައާ ގުޅިގެން ކަމަށެވެ.
ފާޠިމަތު ޢަލީގެ ހައްޔަރާމެދު ގޮތެއް ނިންމުމަށް ކޯޓަށް ހާޒިރުކުރުމުން، ކޯޓުން ވަނީ އޭނާގެ ބަންދަށް 15 ދުވަހުގެ މުއްދަތެއް ޖަހާފައެވެ.
ފާޠިމަތު ޢަލީއާއެކު މި އަމަލު ހިންގުމުގައި ބައިވެރިވެ، އެހީތެރިވިކަމަށް ތުހުމަތުކުރެވޭ ދިވެހި ފިރިހެނަކު ހޯދުމުގެ މަސައްކަތް ތަހުގީގުގެ ތެރެއިން ދަނީ ކުރަމުންނެވެ.
ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ. މަގުމަތިންދާ ފިރިހެނުންނަށް އޮޅުވާލައިގެން ގޭތެރެއަށް ވައްދައި ފޭރުމުގެ އަމަލުތައް ދޭތެރެއަކުން ފެންމަތިވެއެވެ. މިފަދަ މައްސަލަ ތަކުގައި ގިނަ ފަހަރަށް އެމީހަކަށް ބިރުދައްކައި އެކައުންޓްގައި ހުންނަ ފައިސާތައް ފޭރޭކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
