ހުޅުމާލޭ ސެންޓްރަލް ޕާކުގައި މިރޭ ހަވާ އެރުވުމުގެ ހަރަކާތެއް ކުރިއަށްދާނެ ކަމަށް އެމްއެންޑީއެފުން ބުނެފިއެވެ.

އެމްއެންޑީއެފުން އެކްސްގައި ކުރި ޕޯސްޓެއްގައި ބުނެފައުވާ ގޮތުން ހަވާ އެރުވުމަށް ހަމަޖެހިފައިވަނީ މިރޭ 21:15 ގައެވެ.

އަދި މި ހަވާ އެރުވުމުގެ ހަރަކާތަކީ މޯލްޑިވްސް އިސްލާމިކް ބޭންކުން ބާއްވާ އިވެންޓެއްގެ ތެރެއިން ކުރިއަށްދާ ކަމެއް ކަމަށްވެސް ބުންޏެވެ.

ހުޅުމާލެ ސެންޓްރަލް ޕާކުގައި މި އިވެންޓް ބާއްވަނީ އެމްއައިބީގެ އާ ޕްރޮޑްކްޓުތަކެއް ލޯންޗުކުރުމަށެވެ. އިވެންޓް އޮންނާނީ ހުކުރުދުވަހުގެ ރޭ 8:30 ގަ އެވެ.

ތަފާތު މުނާސަބަތުތަކުގައި މާލެ ސަރަހައްދުގައި، އެމްއެންޑީއެފްގެ ބެލުމުގެ ދަށުން ހަވާއެރުވުމުގެ ހަރަކާތްތައް ބާއްވާއިރު، އެ މަސައްކަތް ކުރަނީ ސިފައިންގެ ކޯޕަރޭޓިވް (ސިފްކޯ)އިން ވިޔަފާރި އުސޫލުންނެވެ.