މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އަށް އެންމެގިނަ ދުވަސްވަންދެން ހިދުމަތުގައި ދެމިހުރި، އެކުންފުނީގެ ކޮމްޕެނީ ސެކެޓްރީ، ޝަހީމާ ހުސައިން މަގާމުން ރިޓަޔަކުރައްވައިފިއެވެ.
ޝަހީމާ އިއްޔެ މަގާމުން ރިޓަޔަކުރެއްވިއިރު، އޭނާ ވަނީ އެމްއޭސީއެލްގައި 46 އަހަރުވަންދެން ހިދުމަތްކުރައްވާފައެވެ.
ޝަހީމާގެ އިތުރުން އެމްއޭސީއެލްގެ ކުރީގެ ޗީޗް ޑިވެލޮޕްމަންޓް އޮފިސަރު މުހައްމަދު ސޮލާހް ވެސް ވަނީ ވަޒީފާއިން ރިޓަޔަރކުރައްވާފައެވެ. އެމްއޭސީއެލްގެ މި ދެ މުއައްޒަފުން ރިޓަޔަރކުރެއްވުމާއި ގުޅިގެން އެމްއޭސީއެލުން ވަނީ، އެ ދެ މުއައްޒަފުންނަށް ފެއާފެލް ހަފްލާއެއް ބާއްވާފައެވެ. މި ހަފްލާގައި ސީއީއޯ އަދި މެނޭޖިން ޑިރެކްޓަރު އިބްރާހިމް ޝަރީފު އާއި ކުންފުނީގެ ބައެއް މުއައްޒަފުން ބައިވެރިވިއެވެ.
މި ފެއާވެލްގައި ޝަހީމާ އަދި ސޮލާހުއަށް އެމްޑީ ޝަރީފް ވަނީ ހަނދާނީ ފިލާ ހަވާލުކޮށްދެއްވާފައެވެ.
ޝަހީމާ މަގާމުން ރިޓަޔަރ ކުރެއްވިއިރު އޭނާ ވެފައިވަނީ އެމްއޭސީއެލްގެ ތާރީހުގައިވެސް އެކުންފުނީގެ، ކޮމްޕެނީ ސެކެޓްރީކަމުގެ މަގާމު އެންމެ ގިނަދުވަސް ވަންދެން ފުރުއްވި ބޭފުޅާގެ ގޮތުގައެވެ. ޝަހީމާ ވަނީ އެމްއޭސީއެލްގެ ކޮމްޕެނީ ސެކެޓްރީގެ ގޮތުގައި 15 އަހަރަށްވުރެ ގިނަދުވަސްވަންދެން ހިދުމަތްކުރައްވާފައެވެ.
Advertisement
This content is created and paid for by advertisers and does not involve Voice Journalists
