ބޭންކު އޮފް މޯލްްޑިވްސް (ބީއެމްއެލް) ގެ ޑެޕިޔުޓީ ސީއީއޯ އަދި ޗީފް އޮޕަރޭޓިން އޮފިސަރު (ސީއޯއޯ) ގެ މަގާމަށް ސަހާ ވަހީދު އައްޔަންކޮށްފި އެވެ.
ބީއެމްއެލްއިން ބުނީ، މިއީ އެ ބޭންކުގެ ލީޑަޝިޕުގެ އޮނިގަނޑަށް ގެނައި މުހިންމު ބަދަލުތަކުގެ ތެރެއިން ހިމެނޭ ކަމެއް ކަމަށެވެ.
ސަހާއަކީ ބޭންކިން ދާއިރާގައި 18 އަހަރަށްވުރެ ގިނަ ދުވަހުގެ ތަޖުރިބާ ލިބިލައްވާފައިވާ، ބޭންކުގެ މުހިންމު މަގާމުތަކެއް އަދާކުރައްވާފައިވާ ބޭފުޅެކެވެ.
އެގޮތުން ބީއެމްއެލްގެ ހެޑް އޮފް ސްޓްރެޓީޖިކް ޕްލޭނިން އެންޑް ޗޭންޖް މެނޭޖްމަންޓު މަގާމު ފުރުއްވާފައިވާއިރު، ޑެޕިއުޓީ ސީއީއޯ ކަމަށް އައްޔަން ކުރުމުގެ ކުރިން އޭނާ އަދާކުރައްވަމުން ގެންދެވީ ޕީޕަލް އެންޑް ޗޭންޖް ޑިރެކްޓަރުގެ މަގާމެވެ.
މި މަގާމުގެ މަސްއޫލިއްޔަތުގެ ތެރޭގައި، ބޭންކިން އޮޕަރޭޝަންސް، ލީގަލް އެންޑް ކޯޕަރޭޓް އެފެއާޒް, ހިއުމަން ރިސޯސަސް، އެޑްމިނިސްޓްރޭޝަން އެންޑް ޕްރޮޕަޓީސްގެ އިތުރުން، ބޭންކުގެ ޕްރޮކިއުމަންޓް ވެސް ބަލަހައްޓުން ހިމެނެއެވެ.
ސަހާ ވަނީ ލަންޑަން ސްކޫލް އޮފް އިކޮނޮމިކްސް އެންޑް ޕޮލިޓިކަލް ސައިންސް އިން އިކޮނޮމިކްސް އަދި އިކޮނޮމިކް ހިސްޓްރީން ފުރަތަމަ ޑިގްރީ ހާސިލް ކުރައްވައިފަ އެވެ.
ބީއެމްއެލްގެ ޑެޕިޔުޓީ ސީއީއޯ އަކަށް ބޭފުޅަކު އައްޔަނު ކުރެއްވި އިރު މީގެ ކުރިން އެ މަގާމުގައި ހުންނެވި އާއިޝަތު ނޫރައްދީން ވަނީ 42 އަހަރަށް ފަހު ހިދުމަތުން ރިޓަޔާ ކުރައްވައިފަ އެވެ.
Advertisement
This content is created and paid for by advertisers and does not involve Voice Journalists
