48 ގަޑިއިރުގެ ތެރޭގައި ސީރިޔާއަށް 480 ހަމަލާ ދީފައިވާ ކަމަަށް ނިރުބަވެރި އިޒްރޭލުގެ ސިފައިން ބުނެފިއެ ެ. މި ހަމަލާތަކުގައި 15 ކަނޑު އުޅަނދާއި، އެންޓި-އެއަރކްރާފްޓް ބެޓަރީތަކާއި، އަދި އެކި ސިޓީތަކުގައި ހުރި ހަތިޔާރު އުފައްދާ ތަންތަން ހަލާކުކޮށްލާފައިވާ ކަމަށް އިޒްރޭލުގެ ސިފައިން ބުނެއެވެ.

މި ހަމަލާތައް ދެމުންމިދަނީ ބަޝާރް އަލް-އަސަދުގެ ވެރިކަން ވައްޓާލުމަށްފަހު، ސީރިޔާގެ އިންތިޤާލީ މަރުހަލާގައި ޤައުމު ހިނގަމުންދާ ދަނޑިވަޅެއްގައެވެ.

އިޒްރޭލުން ބުނާ ގޮތުގައި މި ހަމަލާތަކުގެ މަޤްޞަދަކީ "ހައްދުފަހަނައަޅާފައިވާ" ފަރާތްތަކުގެ އަތަށް ހަތިޔާރު ފޯރުވިޔަ ނުދިނުމެވެ. ނަމަވެސް، އދ. އިން ވަނީ މި ހަމަލާތަކާ ދެކޮޅަށް އަޑުއުފުލާފައެވެ.

Advertisement

މި ހަމަލާތައް ދެމުންދަނީ އިޒްރޭލުން ލެބަނަނަށް ހަމަލާދީ، އަދި ޣައްޒާގެ މައްޗަށް ހިންގަމުންދާ ހަނގުރާމަ ޖެނޮސައިޑެއް ކަމަށް ބުނެ ކުށްވެރިކުރަމުންދާ ދަނޑިވަޅެއްގައެވެ. އެހެންކަމުން، މި ސަރަހައްދުގެ އިސްތިޤްރާރަށް ނުރައްކާވެދާނެ ކަމުގެ ބިރު އުފެދިފައިވެއެވެ

ސީރިޔާގެ ވަގުތީ ބޮޑުވަޒީރު މުހައްމަދު އަލް-ބަޝީރު ވަނީ ސީރިޔާގެ ރައްޔިތުންނަށް "އިސްތިޤްރާރާއި ހަމަޖެހުން" ބޭނުންވާ ކަމަށް ބުނެފައެވެ. އަދި އޭނާ ވަނީ އަސަދުގެ ވެރިކަމުގެ އިސް ފަރާތްތަކާއެކު މަސައްކަތްކޮށް، އާންމު ޚިދުމަތްތަކާއި މުއައްސަސާތައް އަލުން ޤާއިމުކުރުމަށް މަސައްކަތްކުރަމުންދާ ކަމަށްވެސް ބުނެފައެވެ.

އަނެއްކޮޅުން، ސީރިޔާގެ އިދިކޮޅު ހަނގުރާމަވެރިން ބުނާ ގޮތުގައި އެމީހުން ވަނީ އުތުރު-އިރުމަތީގައި އޮންނަ ދެއިރު އަޒް-ޒޯރު ސިޓީ ކުރުދީ ބާރުތަކުގެ އަތުން އަތުލައިގަންފައެވެ. މީގެ އިތުރުން، ހަޔާތު ތަހްރީރު އަލް-ޝާމްގެ ލީޑަރު އަހްމަދު އަލް-ޝަރާއު ވަނީ ސީރިޔާ އަލުން ބިނާކުރުމަށް ވައުދުވެފައެވެ. އޭނާ ބުނި ގޮތުގައި 14 އަހަރުގެ ހަނގުރާމައަށްފަހު ސީރިޔާގެ ރައްޔިތުން ވަނީ ވަރަށް ބޮޑަށް ވަރުބަލިވެފައެވެ.