ހަވާއީގެ ވެރިރަށް ހޮނޮލޫލޫގެ ރިހާއިޝީ ސަރަހައްދެއްގައި ހުރި ގެއެއްގައި އައު އަހަރަށް މަރުހަބާ ކިޔުމަށް ހަވާއެރުވުމުގެ ތެރެއިން ހިނގި ބޮޑު އަލިފާނުގެ ހާދިސާއެއްގައި މަދުވެގެން 3 މީހުން މަރުވެއްޖެއެވެ.

މި ހާދިސާގައި އިތުރު 20 މީހުންނަށް ވަނީ އަނިޔާވެފައެވެ.

މީޑިއާ ރިޕޯޓްތައް ބުނާ ގޮތުން މި ހާދިސާ ހިނގީ އާންމުން ދިރިއުޅެމުންދާ ގެއެއްގެ ތެރޭގައެވެ. އަދި ޑްރޯން ފުޓޭޖުން ފެންނަ ގޮތުގައި ގިނަ އަދަދެއްގެ ހަވާ އަރުވަމުން ދިޔައިރު ދުންތަކެއް އުޑަށް އަރަމުން ދިޔައެވެ.

Advertisement

ހޮނޮލޫލޫ އިމަޖެންސީ ސަރވިސަސް ޑިޕާޓްމަންޓްގެ ޑިރެކްޓަރ ޖިމް އައިލެންޑް ވިދާޅުވީ އޭނާ އެ ހާދިސާ ހިނގި ތަނަށް ދިޔައިރު ގޮވުމުގެ ސަބަބުން މީހުންނަށް އަނިޔާތައް ލިބުފައިވާތަން ފެނުނެވެ. އޭގެ

"އަޅުގަނޑު އިމަޖެންސީ މެޑިކަލް ސަރވިސަސްގައި އުޅޭތާ 30 އަހަރަށްވުރެ ގިނަ ދުވަސްވެއްޖެ. އެހެންނަމަވެސް މިއީ އަޅުގަނޑު މިހާތަނަށް ދިޔަ އެންމެ ނުރައްކާތެރި ކޯލް." އައިލެންޑް ބުނެފައިވެއެވެ.

މީގެ އިތުރުން މި ހާދިސާއަށް އިޖާބަ ދިނުމަށް ވަރަށް ބޮޑު އޮޕަރޭޝަނެއް ހިންގަން ޖެހުނު ކަމަށް އޭނާ ބުނެފައިވެއެވެ. އެގޮތުން، އައިލެންޑްގެ ޑިޕާޓްމަންޓުން 10 އެމްބިއުލަންސް ފޮނުވި ކަމަށާއި، އަދި ފެޑެރަލް ފަޔަރ ޑިޕާޓްމަންޓުގެ އެމްބިއުލަންސްތައްވެސް އެތަނުގައި ހަރަކާތްތެރިވި ކަމަށް އޭނާ ބުންޏެވެ.

މި ހާދިސާ ހިނގީ އެމެރިކާގެ އެއަރ ފޯސް އަދި ނޭވީގެ ޖޮއިންޓް ބޭސްއަކާ ގާތުގައެވެ. އަދި ޕާލް ހާބަރުގެ އަލިފާން ނިއްވާ އުޅަނދުތައްވެސް މި ހާދިސާއަށް އިޖާބަ ދިނުމަށް އައި ކަމަށް ވެއެވެ.

ނޫސްވެރިންނާ ވާހަކަ ދައްކަވަމުން، ހޮނޮލޫލޫ ފަޔަރ ޑިޕާޓްމަންޓްގެ ޖަސްޓިން ބްރައުންފީލްޑް ވިދާޅުވީ އެ ޑިޕާޓްމަންޓުން 8 ޔުނިޓާއި 2 ބެޓަލިއަން ޗީފުން މި ހާދިސާއަށް ފޮނުވި ކަމަށެވެ.