ގިނެސް ވޯލްޑް ރެކޯޑްސްއިން ދުނިޔޭގެ އެންމެ ދުވަސްވީ މީހާގެ ގޮތުގައި ފާހަގަކޮށްފައިވާ ޖަޕާނުގެ އަންހެނެއް ކަމުގައިވާ ޓޮމިކޯ އިޓޯކާ 116 އަހަރުގައި މަރުވެއްޖެއެވެ.

ބޭރުގެ މީޑިއާ ރިޕޯޓްތައް ބުނާ ގޮތުގައި ޓޮމިކޯ އިޓޯކާ މަރުވެފައިވަނީ ހިޔޯގޯ ޕްރިފެކްޗަރގެ އަޝިޔާ ސިޓީގައި ހުންނަ ނަރސިންގ ހޯމެއްގައެވެ.

އޭނާ ދުނިޔޭގެ އެންމެ ދުވަސްވީ މީހާގެ ގޮތުގައި ކަނޑައެޅުނީ ސްޕެއިންގެ މަރިއާ ބްރަންޔަސް މޮރެރާ 2024 ވަނަ އަހަރުގެ އޯގަސްޓް މަހު 117 އަހަރުގައި މަރުވުމާ ގުޅިގެންނެވެ.

Advertisement

"އިޓޯކާ ސަން އޭނާގެ ދިގު އުމުރުން އަޅުގަނޑުމެންނަށް ހިތްވަރާއި އުންމީދު ދެއްވި. އަޅުގަނޑުމެން އެކަމަށްޓަކައި އޭނާއަށް ޝުކުރު އަދާކުރަން."އަޝިޔާ ސިޓީގެ 27 އަހަރުގެ މޭޔަރު ރިޔޯސުކެ ޓަކަޝިމާ ބަޔާނެއްގައި ވިދާޅުވިއެވެ. "

އިޓޯކާ އުފަންވެފައިވަނީ 1908 ވަނަ އަހަރުގެ މެއި މަހުގައެވެ. މިއީ ފުރަތަމަ ބޮޑު ހަނގުރާމައަށް 6 އަހަރު ކުރިންނެވެ. އަދި އެމެރިކާގައި ފޯޑް މޮޑެލް ޓީ ކާރު ތަޢާރަފުކުރި އަހަރެވެ.

2024 ވަނަ އަހަރުގެ ސެޕްޓެމްބަރު މަހު އޭނާއަކީ ދުނިޔޭގެ އެންމެ ދުވަސްވީ މީހާކަން ކަށަވަރުކުރެވުނެވެ. އަދި ޖަޕާނުގެ ޢުމުރުން ދުވަސްވީ މީހުންނަށް އިޙްތިރާމް އަދާކުރުމަށް ކޮންމެ އަހަރަކު ފާހަގަކުރާ "ރެސްޕެކްޓް ފޯ ދަ އޭޖްޑް ޑޭ" ގައި އޭނާއަށް ގިނެސް ވޯލްޑް ރެކޯޑްސްގެ ރަސްމީ ސެޓްފިކެޓް ހަވާލުކުރެވުނެވެ.