ފެނުމުގެ ނުކުޅެދުންތެރިކަން ހުންނަ ފަރާތްތަކަށް އޮންލައިން ހިފްޒު އަދި ޢަރަބި ކްލާސްތަކުގައި ބައިވެރިވުމުގެ ފުރުޞަތު ހުޅުވާލައިފިއެވެ. 

ބްލައިންޑް އެންޑް ވިޝުއަލީ އިމްޕެއާޑް ސޮސައިޓީ އޮފް މޯލްޑިވްސް (ބީވީއައިއެސްއެމް) އިން ފެނުމުގެ ނުކުޅެދުންތެރިކަން ހުންނަ ފަރާތްތަކަށް ޚާއްޞަކޮށްގެން ކުރިއަށް ގެންދާ އޮންލައިން ހިފްޒު އަދި ޢަރަބި  މި ކްލާސްތަކަކީ 2017 ވަނަ އަހަރުން ފެށިގެން ކުރިއަށް ގެންދާ ކްލާސްތަކެކެވެ. 

މި ކްލާސްތަކުގައި ބައިވެރިވުމަށް ޝައުޤުވެރިވާ ފެނުމުގެ ނުކުޅެދުންތެރިކަން ހުންނަ ފަރާތްތަކުން، 2025 ވަނަ އަހަރުގެ ޖަނަވަރީ މަހުގެ 9 ވަނަ ދުވަހުގެ ނިޔަލަށް އެސްއެމްއެސް މެދުވެރިކޮށް ނަން ނޯޓު ކުރެއްވުމަށް ބީވީއައިއެސްއެމް އިން ވަނީ އިލްތިމާސް ކޮށްފައެވެ.

ނަން ނޯޓު ކުރުމަށް އެސްއެމްއެސް ކުރައްވާނީ 7553755 ނަންބަރަށެވެ. އެސްއެމްއެސް ކުރާއިރު ފުރިހަމަ ނަމާއި ބައިވެރިވާން ބޭނުންވާ ކްލާހުގެ ނަން ޖެއްސެވުމަށްފަހު މެސެޖް ކުރުމަށް ބީވީއައިއެސްއެމް އިން ވަނީ އެދިފައެވެ.