އެސްޓީއޯ ޕީޕަލްސް ޗޮއިސްގެ ފަރާތުން 2025 ވަނަ އަހަރުގެ ރަމަޟާންމަހަށް ޚާއްޞަކޮށްގެން ކުރިއަށް ގެންދިއުމަށް ހަމަޖެހިފައިވާ "ރަމަޟާން ބާޒާރު" ޕްރޮމޯޝަން އިއްޔެ ފަށައިފިއެވެ. މި ޕްރޮމޯޝަން ކުރިއަށްދާނީ 31 މާރިޗު 2025 ގެ ނިޔަލަށެވެ.

އެސްޓީއޯގެ މި ރަމަޟާން ބާޒާރަކީ ވިޔަފާރިކުރައްވާ ފަރާތްތަކުގެ ތެރޭގައި އެންމެ މަޤްބޫލު އެއް ސޭލްކަމުގައި ފާހަގަކުރެވެއެވެ. މި އަހަރުގެ ބާޒާރުގައިވެސް ހިތްގައިމު ގިނަ ޑިސްކައުންޓްތަކެއް އެސްޓީއޯ ޕީޕަލްސް ޗޮއިސް އަދި އެސްޓީއޯ އަތޮޅުތެރޭގެ ޕީޕަލްސް ޗޮއިސްގެ ފިހާރަތަކުން ކަސްޓަމަރުންނަށް ލިބޭނެ ކަމަށް އެ އެސްޓީއޯއިން ބުނެއެވެ. 

އެސްޓީއޯއިން ބުނިގޮތިގައި މި އަހަރުގެ ރަމަޟާން ބާޒާރުގައި %50 އާ ހަމައަށް ހޯމް އެޕްލަޔަންސް އައިޓަމްތަކުން ޑިސްކައުންޓް ލިބިގެންދާނެއެވެ. އަދި 500 ރުފިޔާއިން މަތިން ކުރާ ކޮންމެ ވިޔަފާރިއަކަށް ކޫޕަނެއް ލިބިގެންދާނެއެވެ. މީގެ އިތުރުން، ކޮންމެ ހަފްތާއަކު ނަސީބުވެރި ފަރާތަކަށް ހަދިޔާއެއްގެ ގޮތުން ގިފްޓް ހެމްޕަރ އެއް ދިނުމަށްވެސް ވަނީ ހަމަޖެހިފައެވެ.

Advertisement

ރަމަޟާން ބާޒާރު 2025 ގެ އެންމެ ޚާއްޞަ ގްރޭންޑް ޕްރައިޒެއްގެ ގޮތުގައި، ޕްރޮމޯޝަން ނިމުމުން ގުރުއަތުން ހޮވޭ ނަސީބުވެރި އެއް ފަރާތަކަށް 100،000 ރުފިޔާގެ ފައިސާގެ އިނާމް ލިބިގެންދާނެކަން އެސްޓީއޯއިން ފާހަގަކޮށްފައިވެއެވެ. މިއީ މި ޕްރޮމޯޝަންގެ އެންމެ ބޮޑު ޝައުޤުވެރިކަން ހުރި އިނާމެވެ.

މީގެ އިތުރުން، މި ޕްރޮމޯޝަން ކުރިއަށްދާއިރު އާއިލީ ހަވީރަކާއި އިންސްޓޯރ ހަރަކާތްތައްވެސް ކުރިއަށް ގެންދިއުމަށް ވަނީ ހަމަޖެހިފައެވެ. މި ހަރަކާތްތަކުގެ ސަބަބުން ކަސްޓަމަރުންނަށް އިތުރު މަޖާއާއި މުނިފޫހިފިލުވުމުގެ ފުރުޞަތު ލިބިގެންދާނެއެވެ.

އެސްޓީއޯގެ މި ރަމަޟާން ބާޒާރަކީ ރޯދަ މަހަށް ޚާއްޞަކޮށްގެން ކޮންމެ އަހަރަކުވެސް ބާއްވާ ޕްރޮމޯޝަނެކެވެ. މި ޕްރޮމޯޝަންގެ ސަބަބުން ގިނަ ކަސްޓަމަރުންނަށް އަގުހެޔޮކޮށް ބޭނުންވާ ތަކެތި ގަތުމުގެ ފުރުޞަތު ލިބިގެންދާނެ ކަމަށް އެސްޓީއޯއިން ބުނެއެވެ.