ގިނަ އަދަދެއްގެ ބަޔަކު އެ އެޕަކަށް އިންތިޒާރުކުރަމުންދިޔަ، އަވަސް ރެއިޑްގެ އައު އެޕްލިކޭޝަން "އަވަސް އެޕް" ބޮޑެތި ބަދަލުތަކާއެކު ލޯންޗުކޮށްފިއެވެ.

އަވަސް އެޕް ތައާރަފްކުރުމަށްޓަކައި އިއްޔެ ހަވީރުން ފެށިގެން ސެންޓްރަލް ޕާކްގައި ވަނީ ހަވީރުން ފެށިގެން 21:30 ހާ ހަމަޔަށް އެކި ކަހަލަ ހަރަކާތްތައް ކުރިއަށް ގެންގޮސްފައެވެ. އަވަސް އެޕް ތައާރަފްކުރުމުގެ ހަރަކާތްތައް ފަށާފައިވަނީ އިއްޔެ ހަވީރު ބޭއްވި ކުޑަކުދިންގެ ހަވީރުންނެވެ. ހުޅުމާލޭ ސެންޓްރަލް ޕާކްގައި ބޭއްވި ކުޑަކުދިންގެ ހަވީރަށް ބޮޑު ތަރުހީބެއް ލިބިފައިވށާއިރު، މި ހަވީރުގައި ރޮބޯމޭން ބައިވެރިވެފައިވާއިރު، ކުޑަކުދިންގެ ހަވީރު ކުރިއަށްދިޔައީ ގިނަ ކުޅިވަރުތަކެއް ހިމެނޭގޮތަށެވެ.

އަވަސް އެޕް ރަސްމީކޮށްފައިވަނީ ރޭ ބޭއްވި ހަރަކާތްތަކުގެ ތެރެއިންނެވެ. އަވަސް އެޕް ތައާރަފްކޮށްދެއްވީ، ބީއެމްއެލްގެ ސީއީއޯ މުހައްމަދު ޝަރީފެވެ. އަވަސް އެޕް ތައާރަފްކުރުމުގެ ގޮތުން ރޭ ވަނީ ހަވާއެރުވުމުގެ ހަރަކާތްތައްވެސް ކުރިއަށްގެންގޮސްފައެވެ.

Advertisement

މީގެ އިތުރުން އަވަސް އެޕްލިކޭޝަން ފޯނަށް އަޅައިގެން ގުރުއަތުން ހޮވުނު ފަރާތަށްވަނީ ޕީއެސް 5 ހަވާލުކޮށްފައެވެ. 

އަވަސް ރައިޑަކީ ގިނަ ބައެއްގެ މެދުގައި ވަރަށްބޮޑު މަގްބޫލުކަމަކާއި އިތުބާރެއް ލިބިފައިވާ އެޕްލިކޭޝަނެކެވެ. ޓެކްސީއެއް ހޯދަންވެއްޖެނަމަ އެންމެފުރަތަމަ ހިތަށް އަންނަނީ އަވަސް ރައިޑެވެ. އަވަސް ރައިޑުގެ ހިދުމަތް އެންމެ ފުރަތަމަ ފެށީ 2019 ވަނަ އަހަރު މާލެސިޓީންނެވެ. ނަމަވެސް މިއަދު އަވަސް ރައިޑުގެ ހިދުމަތް ރާއްޖޭގެ އެކި ކަންކޮޅޫތަކުގައި ދެއެވެ. އަވަސް އެޕްގައި 3،000 ހަށްވުރެ ގިނަ އުޅަނދު ރަޖިސްޓްރީވެފައިވާކަން ފާހަގަކޮށްލެވެއެވެ.

އަވަސް އެޕް މުޅީން އައު ބަދަލުތަކާއެކު ތައަރަފްކޮށްފައިވާއިރު، އަވަސް އެޕްލިކޭޝަން މެދުވެރިކޮށް މިހާރު އޮންލައިނުކޮށް ގިނަ ހިދުމަތްތަކަކަށް އެދެވެއެވެ. މިއީ އޮންލައިނުކޮށް ހިދުމަތްތައް ހޯދަމުންދާ މިފަދަ ޒަމާނަކަށް ކޮންމެހެންވެސް ބޭނުންވާ ބަދަލެއްކަމަށް އަވަސް އެޕާ ގުޅޭގޮތުން ހިޔާލުފާޅުކުރި ބައެއް މީހުން ވަނީ ސޯޝަލް މީޑިއާގައި ބުނެފައެވެ.