މުދަލު ޒަކާތް ދައްކާ ނިސްބަތް އިތުރުވެ، މިދިޔަ އަހަރު މުދަލު ޒަކާތުގެ ގޮތުގައި ދައުލަތަށް 101.9 މިލިޔަން ރުފިޔާ ލިބިފައިވާކަމަށް ތަފާސްހިސާބުތަކުން ދައްކައިފިއެވެ.
މުދަލު ޒަކާތުގެ ގޮތުގައި 2024 ވަނަ އަހަރު 101.9 މިލިއަން ރުފިޔާ ދަްުލަތަށް ލިބިފައިވާއިރު، 2023ވަނަ އަހަރު ލިބިފައިވަނީ 90.2 މިލިޔަން ރުފިޔާއެވެ. އެހެންކަމުން، މުދަލު ޒަކާތްތުގެ ގޮތުގައި ލިބުނު ފައިސާ ވަނީ %12.9 އިތުރު ވެފައެވެ.
މޯލްޑިވްސް އިންލޭންޑު ރެވެނިއު އޮތޯރިޓީ، މީރާއިންއިން އާއްމުކޮށްފައިވާ އެންމެ ފަހުގެ ތަފާސްހިސާބުތައް ދައްކާގޮތުން މިދިޔަ އަހަރު ޑިސެންބަރުމަހު މުދަލު ޒަކާތުގެ ގޮތުގައި ދައުލަތަށް 9.7 މިލިޔަން ރުފިޔާ ލިބިފައިވެއެވެ.
މިއީ 2023ވަނަ އަހަރުގެ ޑިސެންބަރުމަހު މުދަލު ޒަކާތުގެ ގޮތުގައި ލިބުނު އަދަދަށްވުރެ %51.5 އިތުރު އަދަދެކެވެ. 2023 ވަނަ އަހަރުގެ ޑިސެމްބަރު މަހު ލިބުފައުވަނީ 6.4 މިލިޔަން ރުފިޔާއެވެ.
ރާއްޖޭގައި މުދަލު ޒަކާތް ނެރުން ވާޖިބުވާ ނިޞާބު ކަނޑައަޅަނީ އިސްލާމީ ކަންތައްތަކާބެހޭ ވުޒާރާއިންނެވެ. އެގޮތުން 10 އޮކްޓޫބަރ 2024 ވަނަ ދުވަހުން ފެށިގެން މުދަލު ޒަކާތް ވާޖިބުވާ ނިޞާބުގެ މިންވަރުގެ ގޮތުގައި ކަނޑައަޅާފައިވަނީ 9240.35 ދިވެހި ރުފިޔާއެވެ.
Advertisement
This content is created and paid for by advertisers and does not involve Voice Journalists
