މޯލްޑިވްސް މަނިޓަރީ އޮތޯރިޓީ, (އެމްއެމްއޭ) އިން 100 ރުފިޔާގެ އައު ނޫޓެއް ނެރުމަށް ނިންމައިފިއެވެ.

އެމްއެމްއޭއިން ބުނީ، ރާއްޖޭގައި މިހާރު ބޭނުންކުރަމުންދާ ފައިސާގެ ތެރޭގައި ހިމެނޭ 100 ރުފިޔާގެ އައު ނޫޓެއް، އަންނަ ދުވަހު ދައުރުކުރުމަށް ނެރޭނޭކަމަށެވެ. މި ނޫޓުގައި ސޮއިކުރައްވާފައިވަނީ، ކުރީގެ ގަވަރުނަރު އަލީ ހާޝިމެވެ. އައު ނޫޓާއެކު، މިހާރު ބޭނުންކުރަމުންދާ 100 ރުފިޔާގެ ނޫޓުވެސް ދައުރުވަމުންދާނޭކަމަށް މަރުކަޒީ ބޭންކުން ބުނެއެވެ.

ނޫޓުގައި ގަވަރުނަރު ސޮއިކުރި ތާރީހެއްކަމަށް އެމްއެމްއޭއިން ބުނީ، 2024 ވަނަ އަހަރުގެ ޖުލައިމަހުގެ 7 ވަނަ ދުވަސްކަމަށެވެ. ހިޖުރީ ކަލަންޑަރުން ބަލާނަމަ އެއީ 1 މުހައްރަމް 1446 ކެވެ. އައު ނޫޓުގެ ދެ ފަރާތުގައިވެސް 100 ރުފިޔާގެ ނިޝާން ފެންނަން ހުންނާނެއެވެ. ރާއްޖޭގައި ފުރަތަމަ ފަހަރަށް ނޫޓުގައި ފައިސާގެ ނިޝާނެއް ޖަހައިގެން ނޫޓު ބޭނުންކުރަން ފެށީ 2022 ވަނަ އަހަރުގެ ޑިސެމްބަރުމަހުގެ އެއްވަނަ ދުވަހުއެވެ.

ރާއްޖޭގައި މިހާރު ބޭނުންކުރަނީ 2015 ވަނަ އަހަރު ތައާރަފްކުރި ރަންދިހަފަހެއްގެ ނަމުން ނަންދީފައިވާ ޕޮލިމާ ނޫޓެވެ. މިއީ މީގެކުރިން ރާއްޖޭގައި ބޭނުންކުރަމުންދިޔަ ނޫޓުތަކާ އަޅާބަލާއިރު، ސަލާމަތީގޮތުން ރައްކާތެރި ނޫޓުތަކެކެވެ. މީގެ 9 އަހަރުކުރިން ތައާރަފްކުރި މި ނޫޓް ސީރީޒްގައި ވަނީ ފުރަތަމަ ފަހަރަށް 1،000 ނޫޓޫވެސް ނެރެފައެވެ.