Advertisement
ދުންފަތް މަނާކުރީ ވަކިބަޔަކަށް މަންފާ ހޯދައިދޭކަށެއްނޫން: ރައީސް ޑރ.މުއިއްޒު
ސަރުކާރުން ދުންފަތް މަނާކުރީ ވަކިބަޔަކަށް މަންފާ ހޯދައިދޭކަށެއް ނޫންކަމަށް ރައީސުލްޖުމްހޫރިއްޔާ ޑރ.މުއިއްޒު ވިދާޅުވެއްޖެއެވެ.
ރ.އަތޮޅުގެ ރަށްތަކަށް ކުރައްވަމުންގެންދަވާ ޒިޔާރަތުގައި އުނގޫފާރަށް ވަޑައިގެން އެރަށުގެ ރައްޔިތުންނާ ވާހަކަފުޅު ދައްކަވަމުން ރައީސް ވިދާޅުވީ، ދުންފަތް މަނާކުރީ ވަކިބަޔަކަށް މާލީ މަންފާއެއް ހޯދައިދިނުމުގެ ނިޔަތެއްގައި ނޫންކަމަށާއި، ދުންފަތުގެ ބާވަތްތަކުން ޓެކްސް ނަގައިގެން އޭގެ ފައިސާ ދައުލަތަށް ހޯދުމަކީވެސް އެމަނިކުފާނު ބޭނުންފުޅުވާ ކަމެއްނޫންކަމަށެވެ. ރައީސް ވިދާޅުވީ ދުންފަތުގެ ބާވަތްތަކުން ޓެކްސް ބޮޑުކޮށްގެން އެއިން ލިބޭ އާމްދަނީއަށް ބަރޯސާވެގެން ދައުލަތް ހިންގުމަށް ފިނޭންސް މިނިސްޓްރީން މިހާރު ހިސާބެއް ނުޖަހާނޭކަމަށެވެ.
ރައީސް ޑރ.މުއިއްޒު ވިދާޅުވީ އަޅުގަނޑުމެން ބޭނުންވަނީ ދުންފަތުގެ ވަބާއިން ދުރުވެފައިތިބޭ އަދި އެފަދަ ނުރައްކާތެރި ކަންކަމުން ސިއްހަތު ސަލާމަތުން ތިބޭ ބަޔަކަށްވާންކަމަށެވެ. ދުންފަތް ކޮންޓްރޯލްކުރުމަށް ޤާނޫނީގޮތުން ބާރުވެރިކަން ގެނައީ އެކަމުން ދުރުހެލިވުމަށް ބބާރުއެޅުމުގެ ގޮތުންކަމަށް ރައީސް ވިދާޅުވިއެވެ.
Advertisement
އެއްކޮށް މަނާކޮށްލުމުން ވޭޕާ ވަރަށް ތަފާތު. ވޭޕް އެއީ ވަރަށްފަހުން ތައާރަފްވިކަމެއް. އެކަމަކީ އަޅުގަނޑުމެންގ ެތެރޭގައި އެހާބޮޑަށް އަށަގަނެފައޮތް ކަމެއްނޫން. ދުންފަތުގެ އިސްތިއުމާލުކުރުން ފަދައިން.
ރައީސް ޑރ.މުއިއްޒު ވިދާޅުވިއެވެ
ރައީސް ވިދާޅުވީ ދުންފަތުގެ އިސްތިއުމާލުކުރުމަކީ ދިވެހިންގެ ތެރޭގައި އޮތް ވަރަށް ޒަމާންވީ އާދައެއްކަމަށާއި އެކަމަކީ އެއްފަހަރާ މަނާކުރެވޭނެ ކަމެއް ނޫންކަމަށެވެ. ވޭޕް މަނާކުރި ސަބަބަކީ އެކަން ޒުވާނުންގެ މެދުގައި އަށަގަންނަމުންދިޔަލެއް ބާރުކަމުން އަތުނުޖެހޭ ހިސާބަށް ގޮސްދާނެތީ ކަމަށެވެ.
މިމޭރުމުން ވާހަކަފުޅު ދައްކަވަމުން ރައީސް ވަނީ، ރާއްޖޭގައި ވޭޕް އަދި ސިނގިރޭޓް މަނާކުރުމަށް ނިންމީ ހެޔޮނިޔަތުގައި ކަމަށް ވިދާޅުވެފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
