ގދ.ގައްދޫގައި އާއްމުނަށް ނުކަތާވަރަށް ބޮޑު އަގުގައި ބިދޭސީ ޓީޗަރުން ޓިއުޝަންދޭ މައްސަލަ ބޮޑުވެ، ހާއްސަ ފިޔަވަޅުތަކެއް އެޅުމަށް އެރަށުގެ ކައުންސިލުން ނިންމައިފިއެވެ.
ގައްދޫ ކައުންސިލުން ނެރުނު އިއުލާނެއްގައި ބުނީ، ނިޒާމީ ތަޢުލީމު ދާއިރާގައި މަސައްކަތްކުރާ ބިދޭސީ ޓީޗަރުން ޢާންމުނަށް ނުކަތާވަރުގެ އަގު ކަނޑައަޅައިގެން ރަށުތެރޭގައި ޓިއުޝަންދޭކަމުގެ ޝަކުވާ ކެނޑިނޭޅި ކައުންސިލަށް ލިބެމުންދާކަމަށެވެ.
މިކަމާއި ގުޅިގެން ޚާއްޞަ ފިޔަވަޅުތަކެއް އެޅުމަށް ހޯމް ލޭންޑް މިނިސްޓްރީއާއި މިނިސްޓްރީ އޮފް އެޑިއުކޭޝަނާއިއެކު ކައުންސިލުން މަސައްކަތް ފަށާފައިވާކަމަށް އެރަށުގެ ކައުންސިލުން ވަނީ ބުނެފައެވެ.
މިއީ ޤާނޫނާއި ހެދިފައިހުރި ޤަވާޢިދުތަކާއިވެސް ޚިލާފު ކަމެއްކަން ފާހަގަކޮށް ގައްދޫ ކައުންސިލުން ބުނީ، ރަށުގެ ނިޒާމީ ތަޢުލީމު ފެންވަރު ރަނގަޅު ގޮތެއްގައި ހަމަހަމަކަމާއިއެކު ކިޔަވާ ކުދިންނަށް ފޯރުކޮށްދިނުމުގައި ބުރޫއަރާނެ ކަމެއްކަމަށް ދެކޭކަމަށެވެ.
އެހެންކަމުން، މިއެންގުމާއި ޚިލާފަށް ޤަވާޢިދާއި ޚިލާފަށް އަމިއްލައަށް މުސާރައާއި އަގުހަދައިގެން ޤަވާޢިދާއި ޚިލާފަށް ގައްދޫގައި ޓިއުޝަން ދެމުންގެންދާ ޓީޗަރުންނަށް، ދިވެހިރާއްޖޭގެ އިމިގްރޭޝަންގެ ޤާނޫނާއި އަދި ދިވެހިރާއްޖޭގައި ބިދޭސީން ވަޒީފާ އަދާކުރުމާބެހޭ ގަވާއިދުގެ ދަށުން ފިޔަވަޅު އެޅުމަށް ކަމާއިގުޅޭ އިދާރާއަށް ފޮނުވޭނެކަމަށް އެރަށުގެ ކައުންސިލުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
