މޯލްޑިވިއަންގެ އޭ-330 ޗައިނާ އިން ރާއްޖެ އަށް ކުރި ފުރަތަމަ ދަތުރު ދަތުރަށް ރަނގަޅު ތަރުހީބެއް ލިބިފައިވާ ކަމަށް އެ އެއާލައިނުން ވަނީ ބުނެފަ އެވެ. އެގޮތުން ޗައިނާގެ ޗެންގްޑޫ އިން މާލެ އަށް ބޭއްވި މި ދަތުރުގައި 192 ފަސިންޖަރުން އައިސްފައިވެ އެވެ.

ޗަައިނާ އިން މާލެ އަށް މޯލްޑިވިއަންގެ ސީދާ ދަތުރުތައް އަލުން ފަށާފައިވަނީ އެ އެއާލައިނުގެ ފްލީޓަށް އަލަށް ގެނައި އެއާބަސް މަރުކާގެ ވައިޑް ބޮޑީ މަތިންދާބޯޓުގަ އެވެ. މި ވައިޑް-ބޮޑީ މަތިންދާ ބޯޓަކީ 264 މީހުންގެ ޖާގައިގެ އެއަރބަސް އޭ330ގެ 200 ވޭރިއަންޓްގެ މަތިންދާ ބޯޓެކެވެ.

ޖުމްލަ 260 މީހުންގެ ޖާގައިގެ މި ބޯޓަކީ ބިޒްނަސް، ޕްރިމިއަމް އިކޮނޮމީ އަދި އިކޮނޮމީ ކްލާސް ހިމެނޭ މަތިންދާބޯޓެކެވެ.

Advertisement

އެއިން ޗައިނާގެ ތިން މަންޒިލަކަށް ދަތުރު ކުރެއެވެ. އެއީ ޗެންގްޑޫގެ އިތުރުން ބެއިޖިން އާއި ޝެންހާއި އަށެވެ. 

މޯލްޑިވިއަންގެ ދަތުރުތައް ޗައިނާއަށް ފެށުމާއި ގުޅިގެން މޯލްޑިވިއަންގެ ދަތުރުތައް ޗައިނާއަށް ފެށުމާއިއެކު، ޓިކެޓް އގުހެޔޮ ފެއާއެއް ވަނީ ފަށާފައެވެ.

މިކަމާއި ގުޅޭގޮތުން، މޯލްޑިވިއަން ހޮލިޑޭސްގެ ޖެނެރަލް މެނޭޖަރ ރިޒަވޭޝަން އެންޑް ޓިކެޓިން އައިމިނަތު ސަމީހާ ވިދާޅުވީ، މި ފެއަރގެ ދަށުން ޓިކެޓް ވިއްކަމުންދަނީ މާކެޓްގައި ލިބެން ހުރި އަގަށްވުރެ  %30 އާއި %50 އިންސައްތައާއި ދެމެދު އަގުހެޔޮކޮށް ކަމަށާއި،  ބޭނުންނަމަ އެއް މަންޒިލަށް ގޮއްސަ އަނެއް މަންޒިލުން ރިޓާންވެސް ކުރެވޭނެކަމަށެވެ.

ސަމީހާ ވިދާޅުވިގޮތުގައި، މިވަގުތު އޮންނަނީ ހޯމަ، ބުދަ އަދި ހުކުރު ދުވަސް ހިމެނޭހެން ހަފްތާއަކު 3 ފްލައިޓެވެ.

ޗެންގްޑޫ - މާލެ - ޗެންގްޑޫ ދަތުރު ކުރާ ޓިކެޓްގެ އަގަކީ 688 ޑޮލަރެވެ. 

މި ބޯޓުގެ ދަތުރުތައް މިމަހު 24 ވަނަ ދުވަހު ބެއިޖިން އަށް ދަތުރު ފަށާއިރުބެއިޖިންގެ ދެކޮޅު ޓިކެޓެއްގެ އަގު 788 ޑޮލަރު (12،151ރ.) އަށް އަރަ އެވެ.

މީގެ އިތުރުން ޗައިނާގެ ޝެންހާއީގެ ދެކޮޅު ޓިކެޓުގެ އަގަކީ 777 ޑޮލަރު (11،981ރ.) އެވެ. ޝެންހާއީ އަށް ދަތުރުތައް ފަށާނީ މި މަހުގެ 27 ގަ އެވެ.