އިންޑިއާގެ ފޮރިން ސެކްރެޓަރީ ވިކްރަމް މިސްރީ މި ފެށޭ ހަފްތާގައި ޗައިނާއަށް ވަޑައިގަތުމަށް ހަމަޖެހިއްޖެއެވެ.
ޖެނުއަރީ 26 އިން 27 އަށް މިސްރީ ޗައިނާއަށް ކުރައްވާ މި ދަތުރުފުޅުގައި ދެގައުމުގެ ނުތަނަވަސްވެފައިވާ ގުޅުން ބަދަހިކުރެވޭތޯ މަސައްކަތްކުރައްވާނެއެވެ. ވާދަވެރި މި ދެގައުމުގެ މެދުގައި 2020 ވަނަ އަހަރު ސަރަހައްދީ އިމުގައި ހިނގި ކުރިމަތިލުންތަކަށްފަހު ދެގައުމުގެ ގުޅުން ވަނީ ވަރަށް ބޮޑަށް ހީނަރުވެފައެވެ.
ހީނަރުވެފައިވާ ގުޅުން އަލުން ބަދަހިކުރުމަށް، ހިމާލިޔާ ފަރުބަދަތަކުގެ ސަރަހައްދީ އިމުގައި ދެގައުމުގެ ކޯޅުންތައް މައިތިރިކުރުމާ ބެހޭ އެއްބަސްވުމެއް މިދިޔަ އޮކްޓޯބަރު މަހު ދެގައުމުން އެކަށައެޅިއެވެ. އަދި އޭގެ ފަހުގައި ރަޝިޔާގައި ޗައިނާގެ ރައީސް ޝީ ޖިންގްޕިންގް އާއި، އިންޑިއާގެ ބޮޑުވަޒީރު ނަރެންދްރަ މޯދީގެ ބައްދަލުވުމެއްގައިވެސް، ގުޅުންތައް އަލުން ބަދަހިކުރުމާ ބެހޭ ގޮތުން މަޝްވަރާކުރެވުނެވެ.
އިންޑިއާގެ ފޮރިން ސެކްރެޓަރީގެ މި ދަތުރުފުޅުގައި ޗައިނާގެ ވައިސް މިނިސްޓަރ ފޮރ ފޮރިން އެފެއަރޒްއާއެކު މަޝްވަރާކުރައްވާނެއެވެ.
Advertisement
This content is created and paid for by advertisers and does not involve Voice Journalists
