އެކިފަހަރުމަތިން ޓޯކޮށްފައި ހުރި އުޅަނދުތަކުގެ ތެރެއިން 446 އުޅަނދު މިއަދު ނައްތާލާފައިވާކަމަށް ފުލުހުން ބުނެފިއެވެ. 

މިކަމާ ގުޅޭގޮތުން ފުލުހުންގެ މުއައްސަސާއިން ބުނީ، ފުލުހުން ޓޯވ ކޮށްފައިވާ އެއްގަމު އުޅަނދުތަކުގެ ތެރެއިން ވެރިފަރާތުން ނުގެންގޮސް ހުރި 446 އުޅަނދު ގަވާއިދުގައިވާ ގޮތުގެ މަތިން މިއަދު ނައްތާލާފައިވާކަމަށެވެ. މީގެ ތެރޭގައި ހިމެނެނީ، ދެ ފުރޮޅުލީ 378 އުޅަނދާއި ހަތަރު ފުރޮޅުލީ 40 އުޅަނދު އަދި 28 ބައިސްކަލެވ

ފުލުހުން އުޅަނދެއް ޓޯވކުރަނީ ޤަވާއިދާހިލާފަށް ދުއްވުމާއި އެނޫންވެސް ޓްރެފިކް އުސޫލްތަކާ ހިލާފްވުމުންނެވެ. އެގޮތަށް ހިފަހައްޓައިފި އުޅަނދެއް ހަމަޖެހިފައިވާ އުސޫލުގެ މަތިން ފިޔަވަޅު އަޅާއިރު، ކަނޑައެޅިފައިވާ އުސޫލުގެ މަތިން އެ އުޅެނދެއް ނުގެންގޮސްފިނަމަ ޤަވާއިދުގެ ދަށުން ނައްތާލައެވެ. 

ފުލުހުން އަންނަނީ މަގުމައްޗަށް ދޫކޮށްލާފައި ހުންނަތާ ގިނަ ދުވަސްވީ އުޅަނދުތައްވެސް މަގުތަކުން ނަގައި ނައްތާލުމުގެ މަސައްކަތްކުރަމުންނެވެ.