ގުއަޓެމާލާގައި އިންޓަރޕޯލުން ހިންގި ޚާއްޞަ އޮޕަރޭޝަނެއްގައި، ކުޑަކުދިން ޓްރެފިކްކުރުމުގެ ބޮޑު ޖަރީމާއެއްގައި ބައިވެރިވި މީހަކު ހައްޔަރުކޮށްފިއެވެ. ބޭރުގެ މީޑިއާތަކުން ރިޕޯޓުކުރާ ގޮތުގައި ހައްޔަރުކުރެވުނު މީހާއަކީ އިސްރާއީލުގެ ރައްޔިތެއް ކަމަށްވާ 35 އަހަރުގެ ޔޯއެލް އަލްޓަރ އެވެ.
އަލްޓަރ އަކީ "ލެވް ތަހޯރް" ނަމަކަށް ކިޔާ ހައްދުފަހަނައަޅާފައިވާ ޔަހޫދީ ދީނީ ގްރޫޕެއްގެ އިސް މެންބަރެއް ކަމަށް ބުނެފައިވެއެވެ. މި ގްރޫޕަކީ ދުނިޔޭގެ އެންމެ ބޮޑު، ކުޑަކުދިން ޓްރެފިކްކުރާ ޖަމާޢަތްތަކުގެ ތެރެއިން އެއް ޖަމާޢަތް ކަމަށް ތުހުމަތުކުރެވެއެވެ.
ތަޙުޤީޤުތަކުން ދައްކާ ގޮތުގައި މި ޖަމާޢަތުން އެތައް އަހަރެއް ވަންދެން ކުޑަކުދިން ވަގަށްނަގައި، އަނިޔާކޮށް އަދި އެކުދިންގެ ނަޖާއިޒް ފައިދާ ނަގާފައިވެއެވެ. ރަސްމީ މަސްދަރުތަކުން ބުނާ ގޮތުގައި މި އޮޕަރޭޝަނުގެ ސަބަބުން 160 އަށްވުރެ ގިނަ ކުދިން ސަލާމަތްކުރެވިފައިވެއެވެ.
ލެވް ތަހޯރް އަކީ ގިނަ އަހަރުތަކެއް ވަންދެން އެކި ގައުމުތަކުގެ ޤާނޫނު ތަންފީޒުކުރާ އިދާރާތަކުގެ ނަޒަރުގައި ހުރި ހަރުކަށި ދީނީ ޖަމާޢަތެކެވެ. މި ޖަމާޢަތުގެ މެންބަރުން ކުޑަކުދިންނަށް ޖިސްމާނީ އަދި ނަފްސާނީ އަނިޔާކުރުމުގެ އިތުރުން، ކުޑަކުދިން ޤާނޫނާ ޚިލާފަށް އެހެން ގައުމުތަކަށް ގެންގޮސް، އެކި ބޭނުންތަކަށް ވިއްކާކަން ކަށަވަރުވެފައިވެއެވެ.
Advertisement
This content is created and paid for by advertisers and does not involve Voice Journalists
