މޯލްޑިވިއަނުން ދަތުރުކުރާ އެއްވެސް މަންޒިލެއްގެ އަގުތަކަށް ބަދަލު ނުގެންނަ ކަމަށާއި، ބުކިން ސިސްޓަމުން އަގުތައް ބަދަލުވިކަމަށް މިއަދު ދައްކާފައިވަނީ ޓެކްނިކަލް މައްސަލައެއްގެ ސަބަބުންކަމަށް އައިލެންޑް އޭވިއޭޝަނުން ބުނެފިއެވެ.
މޯލްޑިވިއަން ހިންގާ އައިލެންޑް އޭވިއޭޝަނުން ބުނީ، އޮންލައިނުކޮށް ޓިކެޓް ނަގާއިރު އަގުތައް ބަދަލުވެފައި ހުރިކަމަށް ދެއްކީ ޓެކްނިކަލް މައްސަލައަކުން ކަމަށާއި، ދިމާވި މައްސަލަ މިހާރު ހައްލުކޮށްފައިވާކަމަށެވެ. މޯލްޑިވިއަންގެ އޮންލައިން ޓިކެޓިން ޕްލެޓްފޯމަށް ދިމާވި މައްސަލައަކާ ގުޅިގެން އެ އެއާލައިނުން ވަނީ ގުޅައިގެން ޓިކެޓް ނެގުމަށް އެދިފައެވެ.
މޯލްޑިވިއަންގެ އޮންލައިން ޓިކެޓް ޕްލެޓްފޯމަށް ދިމާވި ޓެކްނިކަލް މައްސަލައިގެ ސަބަބުން ބައެއް މަންޒިލްތަކަށް ކުރާ ދަތުރުތަކުގެ އަގުތައް ބޮޑުވެފައި ހުރިކަމަށް ވަނީ ދައްކާފައެވެ.
Advertisement
This content is created and paid for by advertisers and does not involve Voice Journalists
