އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އިން އެ ހޮސްޕިޓަލުގެ އީޕޯޓަލް އިތުރަށް ތަރައްޤީކޮށްފިއެވެ.

އައިޖީއެމްއެޗުން ބުނީ އެ ހޮސްޕިޓަލުގެ އީ ޕޯޓަލް މެދުވެރިކޮށް މިހާރު، ބަލިމީހާގެ ލެބްރިޕޯޓްގެ އިތުރުން އެމީހެއްގެ މެޑިކަލް ރިޕޯޓްސް ބަލާލެވޭނެކަމަސެވެ. މީގެކުރިން ލެބް ރިޕޯޓް ހޯދަންޏާމު ދާންޖެހެނީ އައިޖީއެމްއެޗްގެ ކައުންޓަރަށްގޮސް ނަމްބަރު ނަގައިގެން ނަގާށެވެ. އީޕޯޓަލްއަށް މި ގެނައި ހެޔޮ ބަދަލާއެކު މިހާރު ހޮސްޕިޓަލަސް ނައިސް ގޭގައި ހުރެގެން ބަލިމީހާގެ ރިޕޯޓްސް ބަލާލެވޭނެކަމަށް އެ ހޮސްޕިޓަލުން ބުނެއެވެ.

އައިޖީއެމްއެޗުން ވަނީ އެ ހޮސްޕިތަލުގެ އީ ޕޯތަލް މެދުވެރިކޮށް އެޕޮއިންޓްމަންޓު ހެއްދޭނެ އިންތިޒާމުވެސް ގާއިމްކޮށްފައެވެ. އީޕޯޓަލްއަށް ގެނައި މި ހެޔޮ ބަދަލާއެކު، ޕޯޓަލް މެދުވެރިކޮށް ގާތްތިމާގެ މީހުންނާއި އަދި ބެލުމުގެ ދަށުގައި ތިބޭ މީހުންގެ އެޕޮއިންޓްމަންޓު ހަމަޖެއްސޭނޭކަމަށް އެ ހޮސްޕިޓަލުން ބުނެއެވެ.

Advertisement

އައިޖީއެމްއެޗަކީ ދިވެހިން އެންމެ ގިނައިން ސިއްހީ ހިދުމަތްހޯދަން ދާ ހޮސްޕިޓަލެވެ. އައިޖީއެމްއެޗުން އެންމެ ފުރަތަމަ އީ ޕޯޓަލްގެ ހިދުމަތް ފެށީ 2021 ވަނަ އަހަރެވެ.