މަޝްހޫރު މާކެޓިންގ އަދި ޕަބްލިކް ރިލޭޝަންސް އޭޖެންސީއެއް ކަމުގައިވާ ޓްރެވެލް ގައިޒް އިން ދިވެހިރާއްޖޭގެ ޢިމާރާތްކުރުމުގެ ދާއިރާ އިތުރަށް ކުރިއެރުވުމަށް އަމާޒުކޮށްގެން "މޭސަން ވަރކްސް" ގެ ނަމުގައި އައު ޕްލެޓްފޯމެއް ތަޢާރަފުކޮށްފިއެވެ.

މި އިނީޝިއޭޓިވްގެ މަޤްޞަދަކީ ޢިމާރާތްކުރުމުގެ ދާއިރާގައި މަސައްކަތްކުރާ ފަންނުވެރިންނާއި، ޑިވެލޮޕަރުންނާއި އަދި އެހެނިހެން ފަރާތްތަކަށް މުހިންމު މަޢުލޫމާތު ފޯރުކޮށްދިނުމާއި، ނެޓްވަރކިންގ ފުރުޞަތުތައް ހޯދައިދިނުމާއި އަދި ތަޖުރިބާަދި ތަޖުރިބާކާރުން ތައްޔާރުކުރާ މަޢުލޫމާތު ފޯރުކޮށްދިނުމެވެ.

މޭސަން ވަރކްސްގެ ދަށުން ދެ ޕްރޮޑަކްޓެއް ތަޢާރަފުކުރާ ކަމަށް ޓްރެވެލް ގައިޒް އިން ހާމަކޮށްފައިވެއެވެ. އޭގެ ތެރެއިން ފުރަތަމަ ޕްރޮޑަކްޓަކީ masonworks.build ވެބްސައިޓެވެ. މިއީ ޢިމާރާތްކުރުމުގެ ދާއިރާގެ އެންމެ ފަހުގެ އަޕްޑޭޓްތަކާއި، މަޝްރޫޢުތަކުގެ މަޢުލޫމާތާއި، ތަޖުރިބާކާރުންގެ ލަފަޔާއި އަދި ދިވެހިރާއްޖޭގެ ޢިމާރާތްކުރުމުގެ ދާއިރާއާ ގުޅުންހުރި ވިޔަފާރިތަކުގެ ޑައިރެކްޓަރީއެއް ހިމެނޭ ވެބްސައިޓެކެވެ. މީގެ އިތުރުން މި ޕްލެޓްފޯމުން ޚާއްޞަ ރިޕޯޓުތަކާއި، ޤަވާޢިދުތަކަށް އަންނަ ބަދަލުތަކާއި އަދި ދާއިރާގެ އިސް ފަރާތްތަކާއެކު ކުރެވޭ އިންޓަވިއުތައް ވެސް ފޯރުކޮށްދޭނެއެވެ.

ދެވަނަ ޕްރޮޑަކްޓަކީ "މޭސަން މެގަޒިން" އެވެ. މިއީ ޕްރިންޓް އަދި ޑިޖިޓަލް ވަޞީލަތްތަކުން ޝާއިޢުކުރާނެ ޕްރީމިއަމް މެގަޒިނެކެވެ. މި މެގަޒިންގައި ދިވެހިރާއްޖޭގެ ޢިމާރާތްކުރުމުގެ ދާއިރާގެ ފުންކޮށް ދިރާސާކޮށްފައިވާ މަޢުލޫމާތާއި، ތަޖުރިބާކާރުންގެ ޚިޔާލުތަކާއި، އަދި ދާއިރާގެ އެންމެ ފަހުގެ ކުރިއެރުންތަކާ ބެހޭ ޚާއްޞަ ލިޔުންތައް ހިމެނޭނެއެވެ. މި މެގަޒިންގެ ފުރަތަމަ އަދަދު ނެރުމަށް ހަމަޖެހިފައިވަނީ 2025 ވަނަ އަހަރުގެ ޖޫން މަހުގެ ފަހުކޮޅުގައެވެ.

"ދިވެހިރާއްޖޭގައި އަވަސް ދުވެއްޔެއްގައި ކުރިއަރަމުންދާ އުމްރާނީ ތަރައްޤީއާއެކު، އެއްބާރުލުމާއި އައު އީޖާދުތަކަށް ޚާއްޞަ ކުރެވިފައިވާ މަންޞައެއްގެ މުހިންމުކަން މިހާރު ވަނީ ކުރިއަށްވުރެ ބޮޑުވެފައި. މޭސަން ވަރކްސް އަކީ މި ދާއިރާގައި ކުރިއަރަމުންދާ ޕްރޮފެޝަނަލުންނަށް ބޭނުންވާ މަޢުލޫމާތު ހޯދުމަށް އެންމެ މުހިންމު ވަސީލަތަކަށް ވެގެންދާނެ. މަތީ ފެންވަރުގެ މަޢުލޫމާތާއި ޞިނާޢީ އިންޓެލިޖެންސްގެ ޒަރީއާއިން، އަޅުގަނޑުމެންގެ މަޤްޞަދަކީ ވިޔަފާރިތަކާއި ޕްރޮފެޝަނަލުންނަށް މަޢުލޫމާތުގެ އަލީގައި ރޭވުންތެރި ނިންމުންތައް ނިންމުމަށް ބާރު ދިނުން" ދަ ޓްރެވަލް ގައިޒްގެ މެނޭޖިންގ ޑިރެކްޓަރ ފްރާތު މުޙައްމަދު ވިދާޅުވިއެވެ.

މޭސަން ވަރކްސްގެ އަމާޒަކީ ދިވެހިރާއްޖޭގެ ޢިމާރާތްކުރުމުގެ ޞިނާޢަތުގައި ކުރިއަށް ދިއުމަށް މަގުފަހިކޮށްދޭ ބާރަކަށްވެ، ދެމެހެއްޓެނިވި ގޮތްތަކާއި، އެންމެ ރަނގަޅު އުސޫލުތަކާއި، މި ދާއިރާއަށް ކުރިމަގުގައި އަންނާނެ ބަދަލުތަކާ ބެހޭގޮތުން މަޝްވަރާކުރުމަށް މަގުފަހިކޮށްދިނުމެވެ. މި މަންޞައިން އިންވެސްޓަރުންނާއި، ޑިވެލޮޕަރުންނާއި، ކޮންޓްރެކްޓަރުންނާއި، ސަޕްލަޔަރުންގެ މެދުގައިވާ ގުޅުން ބަދަހިކޮށްދީ، އެއްބައިވަންތަކަމާއި ހަރުދަނާކަން އިތުރު ޢިމާރާތްކުރުމުގެ ނިޒާމެއް އުފެއްދުމަށް އެހީތެރިވެދޭނެއެވެ.

މޭސަން ވަރކްސްއާ ބެހޭ އިތުރު މަޢުލޫމާތު ހޯދުމަށް Masonworks.build އަށް ޒިޔާރަތްކުރުމަށް ނުވަތަ [email protected] އަށް މެއިލް ކުރުމަށް ޓްރެވެލް ގައިޒް އިން އެދެއެވެ.