އިންދިރާ ގާންދީ މެމޯރިއަލް ހޮސްޕިޓަލުގެ ސަރޖަރީތައް ހުއްޓާލާފައިވާކަމަށް ސޯޝަލް މީޑިއާގައި ފެތުރެމުންދާ ޚަބަރުތައް އެ ހޮސްޕިޓަލުން ދޮގުކޮށްފިއެވެ.
ރާއްޖޭގައި އެންމެގިނަ މީހުން ސިއްހީފަރުވާ ހޯދަމުންދާ އައިޖީއެމްއެޗްގެ ސާޖަރީތައް ހުއްޓާލާފައިވާކަމަށް ސޯޝަލް މީޑިއާގައި ފެތުރެމުންދާ ހަބަރުތަކާ ގުޅޭގޮތުން އެ ހޮސްޕިޓަލުން އެކްސްގައި ކުރި ޕޯސްޓެއްގައި ބުނީ، އެއްވެސް ސަރޖަރީއެއް މިވަގުތު ހުއްޓާލާފައި ނުވާކަމުގެ ޔަޤީންކަން ދޭކަމަށެވެ.
އައިޖީއެމްއެޗުން ބުނީ، އާއްމު ރައްޔިތުންނަށް އޮޅުންއަރާ ގޮތަށް، ހަޤީޤަތާ ޚިލާފު މަޢުލޫމާތު ސޯޝަލް މީޑިއާގައި ފަތުރަމުންދާތީ، ނިހާޔަތަށް ކަންބޮޑުވާކަމަށެވެ. އަދި މިކަން ހަރުކަށި ޢިބާރާތުން ކުށްވެރިކޮށް ޒިންމާދާރުކަމާ އެކު މަޢުލޫމާތު ފެތުރުމަށްވެސް އެ ހޮސްޕިޓަލުން ވަނީ ބުނެފައެވެ.
ސޯޝަލް މީޑިއާގައި ދައުރުވަމުން އަންނަ ބައެއް ޕޯސްޓްތަކަށް ބަލާއިރު، އައިޖީއެމްއެޗުން އޮޕަރޭޝަންތަކުގައި ބޭނުންކުރާ ބައެއް ކޮންސިއުމަބަލްސް އެއްޗެހި ހުސްވެގެން ބައެއް އޮޕަރޭޝަންތައް މެދުކަނޑާލާފައިވާކަމަށް ވަނީ ބުނެފައެވެ.
އައިޖީއެމްއެޗުން ބުނީ ކުރިއެކޭ އެއްގޮތަށް ސާޖަރީތައް ހަދަމުންދާކަމަށް ބުނެފައެވެ. އަދި ހޮސްޕިޓަލަށް ބޭނުންވާ އާލާތްތައް ސްޓޮކްގައި ހުރިކަމަށްވެސް އައިޖީއެމްއެޗުން ބުނެއެވެ.
Advertisement
This content is created and paid for by advertisers and does not involve Voice Journalists
