މިދިޔަ އަހަރު ނިމުނުއިރު އެސްޓީއޯއަށް ލިބެންޖެހޭ ފައިސާގެ އަދަދު 5.9 ބިލިއަން ރުފިޔާއަށް އަރާކަމަށް އެކުންފުނީގެ މާލީހިސާބުތަކުން ދައްކައިފިއެވެ.
އެސްޓީއޯގެ ނިމިގެންދިޔަ ކުއާޓަރުގެ މާލީބަޔާނަށް ބަލާއިރު، މިދިޔަ އަހަރުގެ ތިންވަނަ ކުއާޓަރު ނިމިގެންދިޔައިރު އެސްޓީއޯއަށް ލިބެންޖެހޭ ފައިސާގެ އަދަދު ވަނީ 6 ބިލިއަން ރުފިޔާއަށް އިތުރުވެފައެވެ. އެސްޓީއޯއަށް ލިބެންޖެހޭ ފައިސާގެ ތެރެއިން 34.6 މިލިއަން ރުފިޔާ މިދިޔަ އަހަރުގެ ފަހު ކުއާޓަރުގައި ލިބިފައިވާކަމަށް ހިސާބުތަކުން ދައްކައެވެ.
ސަރުކާރުގެ ކުންފުނިތަކުގެ ތެރެއިން އެސްޓީއޯ ފާހަގަކުރެވެނީ އެންމެ ރިސީވްއަބްލަސް ބޮޑު ކުންފުނީގެ ގޮތުގައެވެ. އެސްޓިއޯގެ މާލީބަޔާންތަކަށް ބަލާއިރު އެކުންފުންޏަށް ލިބެންޖެހޭ ފައިސާގެ ތެރެއިން އެންމެ ބޮޑު އަދަދަކީ ހަކަތައިގެ ގޮތުގައި ވިއްކާ ތެއޮ ވިއްކައިގެން ތެއޮ ބިލްތަކުން ލިބެންޖެހޭ ފައިސާއެވެ. އެސްޓީއޯއަށް އެންމެގިނައިން ފައިސާ ދޭންޖެހޭ ކުންފުންޏަކީ ފެނަކައެވެ. އެސްޓީއޯގެ 2023 ވަނަ އަހަރުގެ މާލީ ބަޔާނުން ދައްކާގޮތުގައި އެއަހަރު ނިމުނުއިރު އެސްޓީއޯގައިވާ ފެނަކައިގެ ދަރަނި އުޅެނީ 1.9 ބިލިއަން ރުފިޔާގައެވެ.
އެސްޓީއޯގެ މިދިޔަ އަހަރުގެ މާލީ ބަޔާނަށް ބަލާއިރު، އެއަހަރު އަހަރު ކުރި ވިޔަފާރިއަށް ޖުމްލަ އާމްދަނީގެ ގޮތުގައި 15 ބިލިއަން ރުފިޔާ ވަނީ ލިބިފައެވެ. އެކުންފުންޏަށް މިދިޔަ އަހަރު ސާފްފައިދާގެ ގޮތުގައި 717 މިލިއަން ރުފިޔާ ވަނީ ލިބިފައެވެ.
Advertisement
This content is created and paid for by advertisers and does not involve Voice Journalists
