ވޭޕް ގެންގުޅުމުގެ ކުށުގައި ޖުމްލަ 70،000 ރުފިޔާގެ ޖޫރިމަނާ ކޮށްފައިވާ ކަމަށް މޯލްޑިވްސް ޕޮލިސް ސާވިސް އިން ހާމަކޮށްފިއެވެ. 

ފުލުހުން މިއަދު އާންމުކުރި ތަފާސް ހިސާބުތަކުން ދައްކާގޮތުގައި ނިމިދިޔަ ޑިސެމްބަރު  މަހުގެ 15 އިން 22 އަށް ވޭޕް ބޭނުންކޮށްގެން 6 މައްސަލައެއްގައި 6 މީހަކު ޖޫރިމަނާކޮށްފައި ވެއެވެ. 

އެއާއެކު، ޑިސެމްބަރ 15 އިން 31 ގެ ނިޔަލަށް ޖުމްލަ 14 މައްސަލައެއްގައި 11 މީހަކު ޖޫރިމަނާކޮށްފައިވާ ކަމަށް ފުލުހުން މައުލޫމާތު ދިނެވެ. މި މައްސަލަތަކަށް މުޅި ޖުމްލަ 60،500 ރުފިޔާގެ ޖޫރިމަނާއެއް އަރާ ކަމަށް ފުލުހުން މައުލޫމާތުދީފައި ވެއެވެ. 

މީގެ އިތުރުން، ފުލުހުން ބުނީީ މި މަހުގެ އެއް ވަނަ ދުވަހުން 31 ވަނަ ދުވަހުގެ ނިޔަލަށް ވޭޕްއާއި ގުޅުންހުރި 14 މައްސަލައެއް ހުށަހަޅާފައި ވެއެވެ. އެ މައްސަލަތަކުގައި ދައުލަތުން ވަނީ 12 މީހުން ޖޫރިމަނާކޮށްފައެވެ. މި ޖޫރިމަނާތަކަށް ޖުމްލަ 70،000 ރުފިޔާ އަރާނެ ކަމަށް ފުލުހުން  ބުނެފައި ވެއެވެ. 

ރާއްޖޭގައި ވޭޕް ބޭނުންކޮށް އެތަކެތީގެ ވިޔަފާރިކުރުން މަނާކޮށް، ދުންފަތުގެ ވިޔަފާރި ކުރެވޭނެ އެންމެ ހަގު އުމުރަކީ 21 އަހަރު ކަމަށް ކަނޑައެޅުމަށް ދުންފަތް ކޮންޓްރޯލް ކުރުމާއި ބެހޭ ގާނޫނަށް ހުށަހެޅި އިސްލާހުގައުވާގޮތުން، އެ ގާނޫނާ ޚިލާފް ވެއްޖެ ބޮޑު ޖޫރިމަނާއެއް ދައްކަންޖެހޭއެވެ. 

އެއީ:

1. ވޭޕާއި ވޭޕް ކުރަން ބޭނުން ކުރާ ތަކެތި ރާއްޖެއަށް އެތެރެ ކޮށްފިނަމަ، އެތެރެ ކުރި މީހަކު 50،000 ރުފިޔާއިން ޖޫރިމަނާ

2- އެތެރެ ކުރާ ކޮންމެ ވޭޕަކަށް އިތުރު 10،000 ރުފިޔާގެ މަގުން ޖޫރިމަނާ

3- ރާއްޖޭގައި ވޭޕް ވިއްކާ ކޮންމެ މީހަކަށް 20،000 ރުފިޔާގެ ޖޫރިމަނާއެއް، އަދި ވިއްކި ކޮންމެ ވޭޕަކަށް 10،000 ރުފިޔާގެ މަގުން ޖޫރިމަނާ

4- ހިލޭ މީހަކަށް ވޭޕެއް ދީފިނަމަ 10،000 ރުފިޔާގެ ޖޫރިމަނާއެއް

5- ވޭޕް ބޭނުން ކުރާ މީހަކު 5،000 ރުފިޔާއިން ޖޫރިމަނާ