ވެލާނާ އިންޓަރނޭޝަނަލް އެއާޕޯޓް ސީޕްލޭން ޓާމިނަލް ކައިރީ ބަހައްޓާފައިހުރި ފޮށިގަނޑެއް ވަގަށް ނެގި މީހެއް ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން މިއަދު އާންމުކުރި ވީޑިއޯ އިން ފެންނަ ގޮތުގައި އެއާޕޯޓް ސީޕްލޭން ޓާމިނަލް ކައިރިން ފޮށިގަނޑެއް ހިފައިގެންދާ މީހެއް ފެނެއެވެ. އެ ވީޑިއޯއަށް އިޝާރާތްކުރަމުން ފުލުހުން ބުނީ ވީޑިއޯ އިން ފެންނަ މީހާއަކީ އެއަރޕޯޓް ޕޮލިސް އިންވެސްޓިގޭޝަނުން ތަހުގީގުކުރަމުންދާ މައްސަލައެއްގައި ހޯދަމުންދާ މީހެއް ކަމަށެވެ.
އެމީހާ އޭތި ގެންގޮސްފައިވަނީ، ނޮވެމްބަރުމަހުގެ 24 ވަނަ ދުވަހުކަމަށް ފުލުހުން ބުނެއެވެ. ފުލުހުން ވަނީ ވީޑިއޯއިން ފެންނަ މީހާއާއި ބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާނަމަ އެމަޢުލޫމާތެއް ފުލުހުންގެ ނަންބަރު 9400056 އަށް ގުޅައިގެން ހިއްސާކުރުމަށް އެދިފައެވެ.
Advertisement
This content is created and paid for by advertisers and does not involve Voice Journalists
