ހުކުރުދުވަހަކީ ކުކުޅުގެ ދުވަހޭވެސް ދިވެހީން ބުނެއުޅެއެވެ. ކުރީ ޒަމާނުގައި ކުކުޅުން ހަމައެކަނި ކުކުޅު ރިހަ ކައްކައި އުޅުނަސް މިހާރު ތަފާތު އެކި ބާވަތްތައް ތައްޔާރުކޮށް އުޅެއެވެ. އެގޮތުން މި ހުކުރު ވޮއިސްގެ ބަދިގެއިން މި ގެނެސްދެނީ ހަނީ ގާލިކް ޗިކަންގެ ރެސިޕީއެވެ. 

500 ގ ބޯންލެސް ޗިކަން

1/4 ޖޯޑު ފުއް

3 1/2 މޭޒުމަތީ ސަމުސާ އަންސޯލްޓެޑް ބަޓަރ

4 ލޮނުމެދު (ގާނާފައި)

1 1/2 މޭޒުމަތީ ސަމުސާ އެޕަލް ސިޑަރ ވިނިގަރ (ނޫނީ ވައިޓް ވިނިގަރ)

1 މޭޒުމަތީ ސަމުސާ ސޯޔާ ސޯސް

1/3 ޖޯޑު މާމުއި

ލޮނު

އަސޭމިރުސް

1. ޗިކަން ބްރެސްޓް މެދުން ދެބައިކޮށްލުމަށް އެ ދެބައިވެސް ތުނި ދެ ފަޅިއަށް ވާގޮތަށް ފަޅާލާށެވެ. ކޮންމެ ފަރާތެއްގައި ލޮނާއި އަސޭމިރުސް އުގުޅާލާށެވެ.

2. ފުޅާކޮށް ހުންނަ ތަށްޓަކަށް ފުށް އަޅާށެވެ. ކުކުޅުގެ ދެ ފުށުގައި ފުއް އުނގުޅާލާށެވެ.

3. ތަވާ ހޫނު ކުރުމަށްފަހު 2 1/2  މޭޒުމަތީ ސަމުސާ ބަޓަރ އެއަށް އަޅައި މެލްޓް ކޮށްލާށެވެ. 

4. ދެން، ތަވާއަށް ކުކުޅު އަޅާފައި 2-3 މިނެޓް ވަންދެން ރަން މުށި ކުލަ އަރަންދެން ފްރައި ކޮށްލާށެވެ. ފްރައި ކުރާއިރު ކުކުޅުގެ ދެފަރާތްވެސް އެއްވަރަޢް ފްރައިކުރަން ވާނެ އެވެ.

5. ހޫނުމިން ކުޑަކޮށް ދަށްކޮށްލާފައި، ކުކުޅުކޮޅު ތަވާގެ އެއްފަރާތް ކޮށްލުމަށްފަހު، ލޮނުމެދު ތަވާއަށް އަޅާލާށެވެ. ލޮނުމެދު މައްޗަށް ބާކީ ހުރި އެއް މޭޒުމަތީ ސަމުސާ ބަޓަރ ވެސް އަޅައި ރަނގަޅަށް ހަލުވާލާށެވެ. 

6. ލޮނުމެދުގެ ވަސް ރަނގަޅަށް ދުވަން ފެށުމުން، ވިނެގަރ، ސޯޔާ ސޯސް އަދި މާމުއި އަޅާލައި ހުރިހާ ތަކެތި ރަނގަޅަށް އެއްކޮށްލާށެވެ.

7. ސޯސް ގަނޑު، 1 މިނެޓް ވަންދެން ނުވަތަ ކުޑަކޮށް ބޯވަންދެން ކައްކާށެވެ.

8. ސޯސް ކައްކަމުންދާއިރު ކުކުޅު ދެފަރާތަށް ފުށުންޖަހައި ކުކުޅުގައި ރަނގަޅަށް ސޯސް ރަނގަޅަށް އުނގުޅާލާށެވެ. 

9. އުނދުން ނިއްވާލުމަށްފަހު ކުކުޅު ތަށިތަކަށް އަޅާފައި ބާކީ ހުރި ސޯސް ކުކުޅު މައްޗަށް އަޅާށެވެ.

ހަނީ ގާލިކް ޗިކަން އަކީ ފްރައިޑް ރައިސް، ގާލިކް ރައިސް ނޫނީ ޕްލެއިން ރައިސްއާއެކު، ނުވަތަ ޑިޕިން ސޯސްއާއެކުވެސް ވަރަށް މީރު ވާނެއެވެ.