ހުޅުމާލޭ ބޯގަންވިލާ މަގު، ރެހެންދި ޓަރފް ދަނޑު ހުޅަނގު ފަޅީގައި މަޑުކޮށްގެން ހުރި މީހަކަށް ސައިކަލެއްގައި އައި ދެމީހަކު ކޯރާޑީއަކުން ހަމަލާދީފިއެވެ.
ފުލުހުން ބުނީ، މި މައްސަލަ ރޭ 11:35 އެހައިކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި މި މާރާމާރީގައި އަނިޔާވި މީހާއަށް ހުޅުމާލެ ހޮސްޕިޓަލުގައި ފަރުވާ ދިނުމަށްފަހު މިހާރު ދޫކޮށްލާފައިވާ ކަމަށްވެސް ފުލުހުން މައުލޫމާތު ދެއެވެ.
އަދި ފުލުހުންނަށް ލިބިފައިވާ މައުލޫމާތުން، މި މާރާމާރީގައި ހަމަލާދީފައިވަނީ ކޯރާޑީއަކުން ކަމަށާ، މި މާރާމާރީ ހިންގި ކަމަށް ތުހުމަތުކުރެވޭ ދެ މީހުން ފިލައިގެން ހައިވޭއިން މާލެއަށް ދަނިކޮށް ހުއްޓުވައި ފުލުހުންގެ ބެލުމުގެ ދަށަށް ގެނެސްފައިވާ ކަމަށްވެސް ބުންޏެވެ.
އެގޮތުން މި މައްސަލައާ ގުޅިގެން ހައްޔަރުކުރެވުނު ފަރާތްތަކަކީ ހީނާމާގެ / ގދ. ފިޔޯރީ، ރުސްތުމް އިބްރާހިމް (25 އަހަރު) އަދި ބ. ގޮއިދޫ، ފިނިފެންމާގޭ ސައިފުالله ފައިޞަލް (19 އަހަރު) އެވެ.
ފުލުހުން މައުލޫމާތު ދެއްވާގޮތުގައި، މި ދެ މީހުން ހައްޔަރުކުރެވުނު ސަރަހައްދުން މާރާމާރީ ހިންގަން ބޭނުން ކުރިކަމަށް ތުހުމަތުކުރެވޭ ހަތިޔާރު ފެނިފައިވެއެވެ. އަދި ވަޅިއެއްވެސް ވަނީ ފެނިފައެވެ.
މި މައްސަލައިގެ ތަހުގީގު ފުލުހުން ދަނީ ކުރިއަށް ގެންދަމުންނެވެ.
Advertisement
This content is created and paid for by advertisers and does not involve Voice Journalists
