ރާއްޖޭގެ އެންމެ ބޮޑު ގެސްޓްހައުސް އަދި ޑޮމެސްޓިކް ޓޫރިޒަމް އެކްސްޕޯ ކަމުގައިވާ ރަށު އެކްސްޕޯ 2025ގެ އޮފިޝަލް ލޮޖިސްޓިކްސް ޕާޓްނަރަކަށް އީ ޓުކުރި ހަމަޖައްސައިފިއެވެ.

ރަށު އެކްސްޕޯގެ އޮފިޝަލް ލޮޖިސްޓިކް ޕާޓްނަރަކަށް އީ ޓުކުރި ހަމަޖައްސާފައިވާކަން އިއުލާނުކޮށްފައިވަނީ މިއަދެވެ. މިކަމާ ގުޅޭގޮތުން ޓްރެވަލް ގައިޒްގެ ޑިރެކްޓަރ ޑރ. ހުސައިން ސަނީ އުމަރު ވިދާޅުވީ، އީ ޓުކުރި ފަދަ ލޮޖިސްޓިކްސް ހިދުމަތްދޭ ފާހަގަކޮށްލެވޭ ކުންފުންޏަކުން މިފަދަ އެކްސްޕޯގެ ޕާޓްނަރަކަށް ވުމަކީ މި އިވެންޓަށް ލިބިގެންދާނެ އިތުރު ފުރިހަމަ ކަމެއް ކަމަށެވެ. މިކަމުގެ ސަބަބުން އެކްސްޕޯގައި ބައިވެރިވާ ފަރާތްތަކަށް ލޮޖިސްޓިކްސްގެ މުއާމަލާތްތައް ތަރައްޤީކުރުމުގައި އިތުރު ފުރިހަމަކަމެއް ލިބިގެންދާނޭކަން ސަނީ ފާހަގަކުރެއްވިއެވެ.

ރަށު އެކްސްޕޯ ބޭއްވުމަށް ހަމަޖެހިފައިވަނީ މިހިނގާ ފެބްރުއަރީ މަހުގެ 13 އިން 15 އަށް ހުޅުމާލޭ ސެންޓްރަލް ޕާކްގައެވެ. މި އެކްސްޕޯގައި ތަފާތު އެކި ފިޔަފާރިތަކުގެ ޕެވީލިއަންތައް ފެނިގެންދާނެއެވެ. ރަށު އެކްސްޕޯގައި، ރަށު ކައުންސިލްތަކާއި، ގެސްޓްހައުސްތަކާއި، ހޮޓާތަކާއި، ލޯކަލް ވިޔަފާރިތަކާއި އަދި ޓޫރިޒަމް ދާއިރާގެ އެހެނިހެން ފަރާތްތައް ރާއްޖޭގެ އެތެރޭގެ އަދި ބޭރުގެ ފަތުރުވެރިންނާ ގުޅުވައިދޭ މުހިންމު ޕްލެޓްފޯމެއްގެ ގޮތުގައި މަސައްކަތްކުރެވޭނެއެވެ.

މި އެކްސްޕޯގައި މިހާތަނަށް 70 އަށްވުރެ ގިނަ ސްޓޯލްތައް ފެނިެގންދާއިރު، މީގެ ތެރޭގައި ރަށު ކައުްނސިލްތަކާއި، ރިސޯޓްތަކާއި، ގެސްޓްހައުސްތަކުގެ އިތުރުންވެސް ތަފާތު ފިޔަފާރިތައް ހިމެނެއެވެ. މި އެކްސްޕޯއަށް ދިވެހިންގެ އިތުރުންވެސް ރާއްޖޭގައި އުޅޭ ބޭރުގެ އެކި ފަރާތްތަކުން ޒިޔާރަތްކުރާނޭކަމަށް ބެލެވެއިރު، މި އެކްސްޕޯގެ ސަބަބުން ވިޔަފާރިތަކަށާއި، އެކްސްޕޯއަށް ޒިޔާރަތްކުރާ ފަރާތްތަކަށް އިތުރު ފުރުސަތުތައް ލިބިގެންދާނޭކަމަށް ފެއާ އިންތިޒާމްކުރާ ދަ ޓްރެވަލް ގައިޒް އިން ބުނެއެވެ.