ރަސްމީ ދަތުރުފުޅެއްގައި ރައްޔިތުން މަޖިލީހުގެ ރައީސް ޢަބްދުއްރަޙީމް ޢަބްދުﷲ މިއަދު އަވައްޓެރި އިންޑިއާއަށް ފުރާވަޑައިގަންނަވައިފިއެވެ.
މަޖިލީހުގެ ރައީސް އަބްދުއްރަހީމް އިންޑިއާއަށް ވަޑައިގެންނެވީ އިންޑިއާގެ ރައްޔިތުންގެ މަޖިލީހުގެ ތިރިގެ، 17 ވަނަ ލޯކް ސަބާގެ ރައީސް އޯމް ބިރްލާގެ ދައުވަތަކަށެވެ. އެމަނިކުފާނު އިންޑިއާއަށް ފުރާވަޑައިގަންނަވާކަން އިއުލާން ކުރެއްވީ މިއަދުގެ ރައްޔިތުންގެ މަޖިލީހުގެ ޖަލްސާގަ އެވެ. އެއަށްފަހު އެމަނިކުފާނު ވަނީީ މަޖިލީހުގެ ނައިބު ރައީސް އަޙްމަދު ނާޒިމްއާ މަޖިލީހުގެ ރިޔާސަތު ހަވާލުކުރައްވާފައެވެ.
އިންޑިޔާ ސަރުކާރުން ކުރިން ބުނެފައި ވަނީ އަބްދުއްރަހީމް ހަތަރު ދުވަހުގެ ދަތުރުފުޅެއްގައި މަޖިލީހުގެ ވަފުދަކާއެކު ވަޑައިގަންނަވާނެ ކަމަށެވެ. މިދަތުރަކީ އިންޑިއާއާއި އެހެން ޤައުމުތަކުގެ ޤާނޫނު ހަދާ މަޖިލީހާ ދެމެދު ގުޅުން ބަދަހިކުރުމުގެ މަޤްޞަދުގައި އިންޑިއާގެ ‘ނެއިބަރހުޑް- ފަސްޓް’ ސިޔާސަތުގެ ތެރެއިން ކުރިއަށް ގެންދާ ދަތުރެކެވެ.
މިއީ އަބްދުއްރަހީމް ރައްޔިތުންގެ މަޖިލީހުގެ ރައީސް ކަމަށް އިންތިޚާބުވެވަޑައިގެންނެވި ފަހުން އިންޑިއާއަށް ކުރައްވާ ރަސްމީ ފުރަތަމަ ދަތުރުފުޅެވެ.
Advertisement
This content is created and paid for by advertisers and does not involve Voice Journalists
