”ބާން ކޮންވެންޝަން ފޯ ދަ ޕްރޮޓެކްޝަން އޮފް ލިޓަރަރީ އެންޑް އާޓިސްޓިކް ވޯކްސް“ ގައި ރާއްޖެއިން ބައިވެރިވާން ރުހުން ހޯދަން މަޖިލީހަށް ފޮނުވައިފިއެވެ. 

މި އެއްބަސްވުމުގައި ރާއްޖެއިން ބައިވެރިވުމަށް މަޖިލީހުގެ ރުހުން ހޯދަން ރައީސުލްޖުމްހޫރިއްޔާ ފޮނުއްވި ސިޓީ މިއަދުގެ މަޖިލީހުގެ ޖަލްސާގައި ވަނީ އިއްވާފައެވެ. 

އަދި އެ މައްސަލަ ދިރާސާ ކުރުމަށް ޚާރިޖީ ގުޅުންތަކާބެހޭ ކޮމިޓީއަށް ވަނީ ފޮނުވާފައެވެ. 

Advertisement

”ބާން ކޮންވެންޝަން ފޯ ދަ ޕްރޮޓެކްޝަން އޮފް ލިޓަރަރީ އެންޑް އާޓިސްޓިކް ވޯކްސް“ އަކީ ދިވެހިރާއްޖޭގެ އަދަބީ އުފެއްދުންތަކާއި، ފަންނީ އުފެއްދުން ތަކަށް ބޭރު ގައުމުތަކުން ހިމާޔަތާއި ރައްކާތެރިކަން ހޯދައިދިނުމަށާއި، ބޭރުގެ އުފެއްދުންތެރިންގެ އުފެއްދުންތަކަށް ރާއްޖޭގައި ހިމާޔަތް ދިނުމާ ގުޅޭ އެއްބަސްވުމެކެވެ. 

”ބާން ކޮންވެންޝަން ފޯ ދަ ޕްރޮޓެކްޝަން އޮފް ލިޓަރަރީ އެންޑް އާޓިސްޓިކް ވޯކްސް“ ރާއްޖޭގައި ތަސްދީގު ކުރުމަށް ނިންމާފައިވަނީ، މިއަހަރުގެ ޖަނަވަރީ މަހުގެ 26 ވަނަ ދުވަހު ބޭއްވުނު ވަޒީރުންގެ މަޖިލީހުގެ ޖަލްސާގައެވެ.