ކުރީގެ ފިނޭންސް މިނިސްޓަރު ޑރ. މުހައްމަދު ޝަފީގު، މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން (އެމްއައިޑީއެފްޒެޑް) ގެ ސީއީއޯގެ މަގާމަށް އައްޔަނު ކުރައްވައިފިއެވެ. 

ޝަފީގު އެ މަގާމަށް އައްޔަނު ކުރެއްވީ މިދިޔަ މަހުގެ 27 ވަނަ ދުވަހުއެވެ.

މި މަޤާމަށް އައްޔަންކުރެވުނުއިރު، ޑރ. ޝަފީގު މަސައްކަތްކުރައްވަމުން ގެންދެވީ ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) ގެ ޑިރެކްޓަރުންގެ ބޯޑުގައެވެ.

ޝަފީގު ވަނީ، 2021 އިން 2023 އަށް އެޗްޑީއެފްސީގެ ޗީފް ފައިނޭންޝިއަލް އޮފިސަރު (ސީއެފްއޯ) ގެ މަޤާމުގެ އިތުރުން އެހެނިހެން ސީނިއަރ މަޤާމުތައްވެސް އަދާކުރައްވާފައިވެއެވެ.

އެސްޓީއޯގެ ދަށުން ހިންގާ ފްރީ ޒޯން ކުންފުނި އުފައްދާފައިވަނީ އުފެއްދީ 2 ޖެނުއަރީ 2024ގަ އެވެ. މި ކުންފުނީގެ މައިގަނޑު މަޤްޞަދަކީ ރާއްޖެއަށް ފުޅާ ދާއިރާއެއްގައި މުދާ އެތެރެކުރުމާ އެކު، އަވައްޓެރި އެހެން ބައެއް ގައުމުތަކަށް ރީއެކްސްޕޯޓް ކުރެވޭ ނިޒާމެއްގެ ތެރެއިން އާމްދަނީ އިތުރުކުރުމެވެ.

މި ސަރުކާރުގެ ފުރަތަމަ ފިނޭންސް މިނިސްޓަރ ކަމުގެ މަގާމުގައި ހުންނެވި ޑރ. ޝަފީގު އެ މަގާމުން އިސްތިއުފާ ދެއްވީ މިދިޔަ އަހަރުގެ ސެޕްޓެމްބަރު މަހުގެ 30 ވަނަ ދުވަހުއެވެ. އިސްތިއުފާ ދެއްވި ސަބަބު ހާމަކުރައްވާފައި ނުވެއެވެ.