އެމެރިކާގެ ރައީސްކަމާ ޑޮނަލްޑް ޓްރަމްޕް ހަވާލުވެވަޑައިގަތްފަހުން ފުރަތަމަ ފަހަރަށް އެމެރިކާގެ އަސްކަރީ މަނަވަރުތައް ޓައިވާން ކަނޑުއޮޅިން ހުރަސްކޮށްފިއެވެ.
އެމެރިކާގެ ކަނޑުގެ ސިފައިން ވަނީ 'ރޫޓިން ދަތުރެއްގައި' އެމެރިކާގެ ދެ މަނަވަރު ޓައިވާން ކަނޑުއޮޅިން ދަތުރުކުރިކަން ކަށަވަރުކޮށްދީފައެވެ. ޓައިވާން ކަނޑުއޮޅިން އުތުރުން ޔޫ.އެސް.އެސް ރަލްފް ޖޯންސަން އާއި، ޔޫ.އެސް.އެން.އެސް ބައުޑިޗް ވަދެފައިވަނީ ފެބްރުއަރީ 10 ގައެވެ. އަދި ޓައިވާން ކަނޑުއޮޅިގެ ދެކުނު ފަރާތުން ނިކުތީ މިއަދުއެވެ. އެމެރިކާ އަސްކަރިއްޔާގެ އިންޑޯ ޕެސިފިކް ކޮމާންޑުގެ ތަރުޖަމާނު، ނޭވީ ކޮމާންޑަރ މެތިއު ކޯމަރ ވިދާޅުވީ، ޓައިވާނު ކަނޑުއޮޅިން ދަތުރުކުރިއިރު، އެ ކަނޑުއޮޅީގެ ދެފަރާތުގައިވާ އެއްވެސް ގައުމެއްގެ ސަރަހައްދީ އިމުގެ ތެރެއަށް އެމެރިކާގެ މަނަވަރުތަކުން ވަދެފައިނުވާކަމަށެވެ. އަދި މިއީ ބައިނަލްއަގްވާމީ ގާނޫނުތަކާ އެއްގޮތަށް، ސުލްހަވެރިކަމާއެކު ހިންގި ހަރަކާތެއްކަމަށްވެސް އެމެރިކާއިން ބުނެއެވެ.
އެމެރިކާ އަސްކަރިއްޔާގެ މި އަމަލާމެދު ޗައިނާއިން ވަނީ ކަންބޮޑުވުން ފާޅުކޮށްފައެވެ.
Advertisement
This content is created and paid for by advertisers and does not involve Voice Journalists
