ޓޯނަމެންޓް އެމްވީގެ ފަރާތުން އިންތިޒާމުކޮށް ހުޅުމާލޭ ސިޓީގައި ކުރިއަށް އޮތް ރޯދަމަހު "މީމުތާ ފުޓްސަލް ޗެލެންޖް 2025" ގެ ނަމުގައި ފުޓްސަލް މުބާރާތެއް ބާއްވަން ނިންމައި މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.
ޓޯނަމެންޓް އެމްވީގެ ފަރާތުން އޮފިޝަލަކު ވޮއިސް ސްޕޯޓްސްއަށް މައުލޫމާތުދިން ގޮތުގައި މިމުބާރާތަކީ މާލެ ސަރަހައްދުގައި ދިރިއުޅޭ މ އަދި ތ އަތޮޅުގެ ޒުވާނުންނަށް އަމާޒުކޮށްގެން ބާއްވާ މުބާރާތެކެވެ.
އެގޮތުން މިއަހަރުގެ މުބާރާތުގައި 10 ޓީމަށް ބައިވެރިވުމުގެ ފުރުސަތު ހުޅުވާލެވިފައިވާއިރު، ކޮންމެ ރަށަކުން ވެސް ގިނަވެގެން ބައިވެރިކުރެވޭނީ ދެޓީމަށެވެ. އަދި މުބާރާތުގައި ބައިވެރިވުމުގެ ފުރުސަތު ހުޅުވާލެވިފައި ވަނީ 16 ފެބްރުއަރީ 2025 ދުވަހުގެ ނިޔަލަށެވެ.
މީގެ އިތުރުން މުބާރާތުގައި އެންމެ ފުރަތަމަ ބައިވެރިވުމަށް އެދި ހުށަހަޅާ 10 ޓީމުގެ މެދުގައި މުބާރާތް ކުރިއަށް ގެންދިއުމަށް ހަމަޖެހިފައިވަނީ ދެ ގުރޫޕަކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދާ ދެޓީމު ސެމީ ފައިނަލަށް ހޮވޭގޮތަށެވެ.
ހުޅުމާލޭ ރެހެންދި ފުޓްސަލް ގުރައުން ދެއްގައި 2 މާރިޗު 2025 އިން 12 މާރިޗު 2025 ގެ ނިޔަލަށް ކުރިއަށް ގެންދާ މިމުބާރާތުގައި ބައިވެރިވުމުގެ ފީއެއްގެ ގޮތުގައި 4000 ރުފިޔާ ނެގުމަށް ހަމަޖެހިފައިވާއިރު، މުބާރާތުގެ ޗެންޕިއަން ޓީމަށް 10،000 ރުފިޔާ އަދި ރަނަރަޕް ޓީމަށް 5،000 ރުފިޔާގެ ފައިސާގެ އިނާމެއް ވަނީ ހުށަހަޅާފައެވެ.
މީގެ އިތުރުން މިމުބާރާތުގައި ބައިވެރިވުމަށް ޝައުގުވެރިވެލައްވާ ފަރާތްތަކުން އިތުރު މައުލޫމަތު ހޯއްދެވުމަށް، 7813747 އަށް ގުޅުއްވުމަށް ޓޯނަމެންޓް އެމްވީގެ ފަރާތުން ވަނީ އެދިލައްވާފައެވެ.
Advertisement
This content is created and paid for by advertisers and does not involve Voice Journalists
