ކުޑަކުއްޖަކަށް ޖިންސީގޯނާކުރި މައްސަލައެއްގެ ތަހުގީގު ފަށާފައިވާ ކަމަަށް ފުލުހުން ބުނެފި އެވެ.
ޖިންސީ ގޯނާކުރުމުގެ މި މައްސަލަ ހިނގީ ނޯތް ޕޮލިސް (ނ، ރ، ބ، ޅ) ގައި ހިމެނޭ ރަށެއްގަ އެވެ.
ފުލުހުން ބުނި ގޮތުގައި 18 އަހަރު ނުވާ އަންހެން ކުއްޖަކަަށް ޖިންސީ ގޯނާ ކުރުމުގެ ތުހުމަތު އޮތީ އިތުބާރުކުރެވޭ ފަދަ މަގާމެއްގައި ތިބި ދެ މީހަކަށެވެ. އެ ދެ މީހުން އެ ކުއްޖާއަށް ޖިންސީ ގޯނާކުރާތާ ތިން އަހަރު ވެފައިވާ ކަމަަށް ވެސް ހުށައެޅި މައްސަލާގައިވާ ކަމަަށް ފުލުހުން ބުންޏެވެ.
ނަމަވެސް މި މައްސަލައާ ގުޅިގެން އަދި މީހަކު ހައްޔަރު ނުކުރާ ކަމަށާ މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ.
ކުޑަކުދިންނާ ގުޅޭ މައްސަލަތަކަކީ އެ ހިދުމަތުން ވަރަށް ސީރިއަސްކޮށް ބަލަމުންދާ މައްސަލަތަކެއް ކަމަށާ ކުޑަކުއްޖަކާ ގުޅުންހުރި މައްސަލައަކަަށް ވާތީ ކުއްޖާގެ މައުލޫމާތު ރައްކާތެރި ކުރަން ކުއްޖާ ނިސްބަތްވާ އަތޮޅާއި ރަށް ހާމައެއް ނުކުރާ ކަމަށް ވެސް ބުންޏެވެ.
Advertisement
This content is created and paid for by advertisers and does not involve Voice Journalists
