ކުރިއަށް އޮތް ރޯދަ މަހު ސަލްމާން މިސްކިތުގައި އިމާމުވެ ތަރާވީހާ ދަމުނަމާދު ކުރާނީވެސް ޒުވާން ހަތީބުން ކަމަަށް އިސްލާމިކް މިނިސްޓްރީން ބުނެފި އެވެ.
ސައުދީ ސަރުކާރުގެ އެހީގައި މާލޭގެ ހެންވޭރުކޮޅުގައި ބިނާކޮށްފައިވާ ސަލްމާން މިސްކިތަކީ، ވެރިރަށުގައި ހުރި ދެވަނައަށް އެންމެ ބޮޑު މިސްކިތެވެ.
އިސްލާމިކް މިނިސްޓްރީން ބުނީ ކުރިއަށް އޮތް ރޯދަ މަހު ސަލްމާން މިސްކިތުގައި އިމާމުވެ ތަރާވީހާ ދަމުނަމާދު ކުރާނެ އިމާމުން ހަމަޖައްސާފައިވާ ކަމަށެވެ. އެ މިސްކިތުގައި އިމާމުވެ ތަރާވީހާ ދަމުނަމާދު ކުރާނީ ޒުވާން ތިން ހަތީބުންނެވެ.
އެއީ އަލްޙާފިޒް އާދަމް މިޝްއަލް ޝާމިން އާއި އަލްޙާފިޒް މުޙައްމަދު މިޝްއަލް ޢާޡިމް އާއި އަލްޙާފިޒް ޢަބްދުﷲ އަޙްސަން ސަޢީދު އެވެ. މާލެ ސިޓީގެ ބޮޑު މިސްކިތް، އިސްލާމީ މަރުކަޒުގައި މި އަހަރުގެ ރޯދަ މަހު އިމާމުވެ ތަރާވީސް ކުރާނެ އިމާމުން ވެސް ވަނީ ކަނޑައަޅާފަ އެވެ. އެއީ މަރުކަޒުގެ އިމާމު އައްޝައިޚު އަލްޙާފިޒު ސަލްމާން މުޙައްމަދު ލަޠީފާއި، އަލްޙާފިޒް ޢުވައިސް ބިން އިނާޒް، އަލްޙާފިޒް ޚިޟްރު ބިން ޢިމާދުގެ އިތުރުން އައްޝައިޚު އަލްޙާފިޒް ސުލްޠާން މުޙައްމަދު ލަޠީފެވެ.
ސުލްޠާން މުޙައްމަދު ލަޠީފް މި ޓީމާ ގުޅޭނީ ފަހު ދިހައެއްގައި ކަމަށް ވެސް މިނިސްޓަރު ވިދާޅުވި އެވެ. މީގެ އިތުރުން، ފަހު ދިހައެއްގައި ދަމު ނަމާދު އިމާމުވެ ކުރާނީ އައްޝައިޚު އަލްޙާފިޒު ސަލްމާން މުޙައްމަދު ލަޠީފާއި އައްޝައިޚު އަލްޙާފިޒު ސުލްޠާން މުޙައްމަދު ލަތީފް ކަމަަށްވެސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
