ހައްޖަށް މީހުން ގެންދިއުމަށް ކުރަން ޖެހޭ ހޭދަ ކުޑަވުމަކީ ހައްޖުވެރީންގެ އަތުން ނަގާ އަގު ކުޑަކުރުމަށް ލިބޭ ވަރަށް ބޮޑު ހިތްވަރެއް ކަމަށް ހައްޖު ކޯޕަރޭޝަންގެ މެނޭޖިން ޑިރެކްޓަރު މުހައްމަދު ޝަކީލް ވިދާޅުވެއްޖެ އެވެ.
ޝަކީލް މިހެން ވިދާޅުވީ މިއަހަރު ރާއްޖެއިން ހައްޖަށްދާ މީހުން އުފުލުން ގައުމީ އެއާލައިން މޯލްޑިވިއަންއާ ހަވާލުކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުންނެވެ. ޝަކީލް ވިދާޅުވި ގޮތުގައި މޯލްޑިވިއަންއާއެކު ދިވެހި ހައްޖުވެރީން އުފުލުމަށް އެއްބަސްވެވުމަކީ ތާރީހީ ކަމެކެވެ. އަދި މިއީ ދިވެހި ގައުމާއި ދިވެހީންނަށް ވަރަށް އުފާވެރި ދުވަހެއް ކަމަށް ވިދާޅުވި އެވެ.
ހައްޖަށް ދިއުމަށް ކުރަން ޖެހޭ ހޭދަ ކުޑަކުރުމަކީ ރައީސް މުއިއްޒުގެ ވައުދުފުޅެކެވެ. ވެރިކަމުގެ ފުރަތަމަ އަހަރު އެ މަސައްކަތް ވަނީ ފައްޓަވާފަ އެވެ. އެމްޑީ ޝަކީް ވިދާޅުވީ އެ ކަމަށް ފުރަތަމަ ކުރަން ޖެހޭ ކަމަކީ ހައްޖަށް މީހުން ގެންދިއުމަށް ކުރަން ޖެހޭ ހޭދަ ކުޑަކުރުމެވެ.
މޯލްޑިވިއަންއާއެކު ވެވުނު އެއްބަސްވުމަކީ ހަރަދު ކުޑަކުރުމަށް އެޅުނު މުހިންމު ފިޔަވަޅެއް ކަމުގައި ވިދާޅުވި އެވެ.
ހައްޖަށް މީހުން ގެންދިއުމަށް ކުރަން ޖެހޭ ހޭދަ ކުޑަކުރެވިގެން އަޅުގަނޑުމެންނަށް [ހައްޖަށް ގެންދެވޭ އަގު] ކުޑަކުރެވެން މި އަންނަނީ
ޝަކީލް ވިދާޅުވިއެވެ
ޝަކީލް ވިދާޅުވީ މިއަދު ވެވުނު އެއްބަސްވުމަކީ ދިވެހީން ހައްޖަށް ދިއުމަށް ކުރަން ޖެހޭ ހޭދަ ކުރުމުގެ ފެށުމެކެވެ.
މިހާރު ހައްޖަށް ދިއުމަށް 69,000 ރުފިޔާ ދައްކަން ޖެހެ އެވެ. އަދި ދަތުރުގެ އެހެނިހެން ހަރަދުތަކާ އެކު ހައްޖަށް ދިއުމަށް ލައްކައެއްހާ ރުފިޔާ ހޭދަ ކުރަން ޖެހެ އެވެ.
Advertisement
This content is created and paid for by advertisers and does not involve Voice Journalists
