ID card gai Hulhumale' jehumuge badhalugai "HM" jahan sarukaarun nimmaifi

އައިޑީ ކާޑްގައި ހުޅުމާލެ ޖެހުމުގެ ބަދަލުގައި "ހމ" ޖަހަން ސަރުކާރުން ނިންމަައިފި

18 Feb 2025 | 15:29

އައިޑީ ކާޑް ފޮޓޯއެއް---

އައިޑީ ކާޑްގައި ހުޅުމާލެ ޖެހުމުގެ ބަދަލުގައި "ހމ" ޖަހަން ސަރުކާރުން ނިންމަައިފިއެވެ.

ޑިޕާޓްމެންޓް އޮފް ނެޝަނަލް ރަޖިސްޓްރޭޝަން (ޑީއެންއާރް) އިން މިއަދު ނެރުނު ސާކިއުލާއެއްގައި ބުނީ މިގޮތަށް އަމަލުކުރަން އެ އިދާރާއިން ނިންމީ މާލެ ސިޓީ ކައުންސިލުގެ އެންގުމުގެ މަތިން ކަމަށެވެ.

ޑީއެންއާރުން ވަނީ މާލެ ސިޓީގެ އަވަށެއް ކަމުގައިވާ ހުޅުމާލެ ފިޔަވައި އެހެން ހުރިހާ އަވަށެއްގެ ގޯތި ނުވަތަ ފްލެޓްތަކަށް ހައްދައިދޭ އައިޑީކާޑްތަކުގައި އަވަށުގެ ނަން ދިވެހިން އެއްކޮށް ލިޔުމުގެ ބަދަލުގައި ލިޔަމުން އަންނަނީ، އެ އަވަށެއް ނިސްބަތްވާ އަކުރު އެޑްރެހުގެ ކުރިއަށް ހިމަނައިގެންކަން ފާހަގަކޮށްފައެވެ.

ޑީއެންއާރް އިން ބުނިގޮތުގައި މާލެ ސިޓީ ކައުންސިލުން ވަނީ ދިވެހިން ލިޔާއިރު "ހުޅުމާލެ" ޖެހުމުގެ ބަދަލުގައި "ހމ" ހުޅުމާލޭގެ ފްލެޓްތަކާއި ގޯތިތަކުގެ އެޑްރެހުގެ ކުރިއަށް ޖެހުމަށް އެ އިދާރާއަށް އަންގާފައެވެ.

"މި ބަދަލާ ގުޅިގެން މިއަދުން ފެށިގެން ޑީއެންއާރްއިން ދޫކުރާ އައިޑީކާޑްތަކުގެ އެޑްރެހުގެ ކުރިއަށް ދިވެހިން ލިޔަމުންދާނީ "ހމ" އެވެ. އަދި އިނގިރޭސިން "HM" ޖެހުމަށް ވަނީ ހަމަޖެހިފައެވެ" ޑީއެންއާރުން ނެރުނު ސާކިއުލާގައި ބުންޏެވެ.

ޑީއެންއާރުން ބުނީ މިގޮތަށް ނިންމި ނަމަވެސް އެ އިދާރާއިން ހުޅުމާލެ ރަށްވެހިންނަށް ކުރިން ހައްދާދީފައިވާ އައިޑީކާޑްތަކުގެ މުއްދަތު ހަމަވަންދެން އެ ކާޑުތައް ބޭނުންކުރެވޭނެ ކަމަށެވެ.

ހަބަރު

ހުޅުމާލެ

ކޮމެންޓް

This content is created and paid for by advertisers and does not involve Voice Journalists