ސަރުކާރުގެ ވިޔަފާރި ކުންފުނި އެސްޓީއޯ އިން ލުނބޯ ބާޒާރަށް ނެރެ ވިއްކަން ފަށައިފި އެވެ.

އެ ކުންފުނިން ބުނީ ތާޒާ ލުނބޯ ގެނެސް ވިއްކަން ފަށާފައިވާ ކަމަަށެވެ. ކިލޯއެއް ވިއްކަނީ 40 ރުފިޔާއަށެވެ. އެސްޓީއޯއިން 5 ކިލޯގެ ލުނބޯ ފޮއްްޓެއް ވިއްކަނީ 145 ރުފިޔާއަށެވެ. ފަސް ފޮށި ނަގާނަމަ ފޮއްޓެއް 135 ރުފިޔާ އަށެވެ. 

އެސްޓީއޯއިން ވަނީ ލުނބޯ ގެނެސް ވިއްކަން ފަށާފައި

އެސްޓީއޯ އިން ބާޒާރަށް ލުނބޯ ގެނެސް ހެޔޮ އަގުގައި ވިއްކަން ފެށިއިރު ބާޒާރުގައި ލުނބޯ ކިލޯއެއްގެ އަގު މިހާރު ހުރީ 60 ރުފިޔާ އިން މަތީގަ އެވެ. މީގެ ހަފްތާއެއްކުރިން މާލޭ ބާޒާރުގައި ލުނބޯ ކިލޯއެއްގެ އަގު ވަނީ 80 ރުފިޔާއަށްވެސް އުފުލިފައެވެ. ކުރިއަށް އޮތީ ރޯދަ މަސް ކަމުން އެ އަގު އިތުރަށް އުފުލޭނެ ކަމަށް ބެލެވެ އެވެ.

މިފަހުން މާލޭ ބާޒާރުގައި ލުނބޯގެ އަގު އެނމްެ މައްޗަށް ގޮސްފައިވަނީ މިދިޔަ އަހަރުގެ އޮގަސްޓްމަހުގެ ތެރޭގަަައެވެ. އެފަަހަރު ލުނބޯ ކިލޯއެއްގެ އަގު ވަނީ 145 ރުފިޔާއަށް އަރާފައެވެ.

ރޯދަމަހު ބާޒާރުގައި އަސާސީ މުދަލުގެ އަގު ބޮޑުވިޔަ ނުދިނުމަށް އެސްޓީއޯ އިން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ރޯދަ މަހަށް އެންމެ އަގު ބޮޑުވާ އެއް ބާވަތް ކަމަށްވާ ކާށި ގެނެސް ހެޔޮ އަގުގައި ދަނީ ވިއްކަމުންނެވެ.