ގާނޫނު އަސާސީ އިސްލާހު ކުުރުމުގެ ބާރު އޮތީ ރައްޔިތުންގެ މަޖިލީހަށް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ރައީސް ނަޗީދު މި މޭރުމުން ވިދާޅުވެފައިމިވަނީ، ރައްޔިތުން މަޖިލީހުގެ މެންބަރުންގެ ގޮނޑީގެ މައްސަލައާ ގުޅިގެން ގާނޫނަށް ގެނެސްފައިވާ ބަދަލާއި ގުޅިގެން ސުޕްރީމް ކޯޓްގައި އަޑުއެހުންތައް ފެށިފައި ވަނިކޮށެވެ. މަޖިލީހަށް އިންތިހާބުވާ ސިޔާސީ ޕާޓީއަކުން ވަކިވެއްޖެނަމަ ނުވަތަ ޕާޓީން ވަކިކޮށްފިނަމަ، މަޖިލީހުގެ މެމްބަރުކަން ގެއްލޭ ގޮތަށް މިދިޔަ އަހަރު ސަރުކާރު ހިންގާ ޕީއެންސީން އިސްވެ ގާނޫނުއަސާސީއަށް ގެނައި އިސްލާހު ބާތިލުކުރަން، ސުޕްރީމް ކޯޓަށް ދުސްތޫރު މައްސަލައެއް ވަނީ ހުށައަޅާފަ އެވެ.

މި މައްސަލާގައި ދައުލަތުގެ ސްޓޭންޑަކީ ގާނޫނުއަސާސީގައި ބަޔާންކޮށްފައިވާ ހުރިހާ އިޖުރާއަތްތަކެއް ފުރިހަމަ ކުރުމަށްފަހު، ރައްޔިތުންގެ މަޖިލީހުން ގާނޫނުއަސާސީއަށް ގެންނަ އެއްވެސް އިސްލާހަކާ މެދު ރާއްޖޭގެ އެއްވެސް ކޯޓަކަށް ބަސް ކިޔުމުގެ އިހުތިސާސެއް ނޯންނާނެ ކަމަށެވެ.

އެކްސް ގައި ކުރެއްވި ޕޯސްޓެއްގައި ނަޝީދު ވިދާޅުވީ އެމަނިކުފާނަށް ލަފާ ކުރެވިފައި އޮންނަނީ، ގާނޫނު އަސާސީ އިސްލާހު ކުުރުމުގެ ބާރު އޮތީ ރައްޔިތުންގެ މަޖިލީހަށް ކަމަށެވެ. އަދި ވިދާޅުވީ ގާނޫނު އަސާސީގެ ނަޒަރުގައި ގާނޫނު އަސާސީ ބަދަލު ކުރާނަމަ ފެންނަ ނުފެންނަ ވޯޓެއް ނަގަން ޖެހޭނެ ކަމަށެވެ.

މަޖިލީހަށް އިންތިހާބުވާ ސިޔާސީ ޕާޓީއަކުން ވަކިވެއްޖެނަމަ ނުވަތަ ޕާޓީން ވަކިކޮށްފިނަމަ، މަޖިލީހުގެ މެމްބަރުކަން ގެއްލޭ ގޮތަށް މިދިޔަ އަހަރު ސަރުކާރު ހިންގާ ޕީއެންސީން އިސްވެ ގާނޫނުއަސާސީއަށް ގެނައި އިސްލާހުގެ މައްސަލާގައި ސުޕްރީމް ކޯޓުން ނިންމާފައިވަނީ އެ މައްސަލަ އެ ކޯޓަށް ބެލޭނެ ކަމަށެވެ.