މަކަރާއި ހީލަތުގެ މައްސަލައިގެ ތަހްގީގަށް ދިވެހި ފިރިހެނަކު ހޯދުމުގެ މަސައްކަތް ފުލުހުން ފަށައިފިއެވެ.

ފުލުހުންގެ ޚިދުމަތުން ބުނީ  ޑްރަގް ޓްރެފިކިންގ އިންވެސްޓިގޭޝަންސް ތަހުގީގު ކުރަމުންދާ، މަކަރާއި ހީލަތުގެ މައްސަލައިގެ ތަހްގީގަށް މީހަކު ހާޒިރުކުރުމަށް މުޙައްމަދު އުބާދަތު ޙުސައިން، ސ. ހިތަދޫ / ހަޒާރުމާގެ (29އ) ހޯދަމުންދާ ކަމަށެވެ. 

އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށް ފުލުހުން ބުންޏެވެ. އެހެންކަމުން ޖިނާއި މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން އޭނާ ތަހުގީގަށް ހާޒިރުވުމަށް އަންގައި އިއުލާނުކުރާ ކަމަށް ފުލުހުން ބުނެފައި ވެެއެވެ. 

Advertisement

ފުލުހުން އޭނާ ހޯދަނީ މައްސަލައިގެ ތަހުގީގަށް ތުހުމަތުގައި ސުވާލުކުރުމަށެވެ.

އެހެންކަމުން މިމަހުގެ 27ވަނަ ދުވަހުގެ 14:00އަށް ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގއަށް އޭނާ ހާޒިރުވުމަށް ފުލުހުން ވަނީ އެދިފައެވެ.