ގޭންގްތަކުން ކުށްތަކަށް އަރައިގަތުމަށް ބޭނުންކުރާ 144 އުޅަނދު ޓޯކޮށްފައިވާ ކަމަށް ފުލުހުން ބުނެފިއެވެ.
ދައުލަތުގެ މީޑިއާގައި ވާހަކަދައްވަމުން އިންސްޕެކްޓާ އޮފް ޕޮލިސް ވައްގާސް ޝަރީފް ވަނީ ގޭންގްތައް އާންމުކޮށް އެއްވެ އުޅޭ ތަންތަނުން ކުށްކުރަން ގެންގުޅޭ އުޅަނދުތައް ފެންނަކަން ފާހަގަކުރައްވައި ވާހަކަދައްކަވާފައެވެ. އޭނާ ވިދާޅުވީ ޝައްކުކުރެވޭ ފަރާތްތައް ދުއްވާ އުޅަނދު ހުއްޓުވައިި ބަލާ ފާސްކުރަމުންދާކަމަށާއި އެގޮތަށް ބަލާފާސްކުރުމުގެ ތެރޭގައި، ބައެއް ފަހަރު މަސްތުވާތަކެއްޗާއި ތޫނު ހަތިޔާރު ފެންނަކަމަާށެވެ. ހާލަތުގައި އުޅަނދު ދައްވާ މީހާއަށް ވަގުތުން ފިޔަވަޅު އަޅާކަންވެސް ފާހަގަކުރެއްވިއެވެ.
ފުލުހުން ކުރިއަށްގެންދާ އޮޕަރޭޝަންތަކުގައި ގޭންގްތަކަށް ނިސްބަތްވާ ފަަރާތްތަކަށް ހާއްސަކޮށްގެން މޯބައިލް ވީސީޕީތައް ބޭނުންކޮށްގެން އުޅަނދުތައް ޗެކް ކުރާ ކަމަށް އޭނާ ވިދާޅުވިއެވެ. ފުލުހުން ކުރިއަށްގެންދާ މިފަދަ އޮޕަރޭޝަންތަކުގައި އުޅަނދުތައް ޓޯކުރާއިރު ނުބައި ނަމްބަރު ބޯޑެއް އަޅުވައިގެން ސައިކަލް ބޭނުންކުރާކަން ފާހަގަކުރެވެއެވެ. މިފަދަ އުޅަނދުފަހަރުގެ ތެރޭގައި ވަަގަށް ނަގާފައިވާ އެެއްޗެހިވެސް ހިމެނޭކަމަށް އޭނާ ވިދާޅުވިއެވެ.
އިތުރަށް ވާހަކަދައްކަވަމުން ވައްގާސް ވަނީ އުޅަނދުފަހަރު ދުއްވުމުގައި މޫނު ނިވާކޮށްގެން ހުންނަ ނުވަތަ ހަތިޔާރުތައް ހިފައިގެން އުޅޭ ފަރާތްތައް މަގުމަތިން ފާހަގަވާނަމަ، އެކަން ފުލުހުންނަށް ރިޕޯޓްކުރުމަށް އާންމުންގެ ކިބައިން އެދިވަޑައިގެންފައެވެ.
Advertisement
This content is created and paid for by advertisers and does not involve Voice Journalists
