މާލޭގެ ކެފޭއަކުން ޚިދުމަތް ހޯދުމަށްފަހު ފައިސާ ނުދެއްކި މައްސަލައެއްގައި މީހަކު ހައްޔަރުކޮށްފިއެވެ.
ދިވެހި ފުލުހުންގެ ޚިދުމަތުން ބުނީ، މި މައްސަލައިގައި ހައްޔަރުކޮށްފައިވަނީ އދ. މާމިގިލީ ހަނދުވަރުދޭގޭ އުމުރުން 23 އަހަރުގެ ޔާޝިން ރަޝީދު ކަމަށެވެ.
އޭނާ ހައްޔަރުކޮށްފައިވަނީ މިމަހުގެ 20 ވަނަ ދުވަހު ބުރުޒުމަގުގައި ހުންނަ ކެފޭއަކުން ޚިދުމަތް ހޯދުމަށްފަހު ފައިސާ ނުދައްކާ ދާން އުޅުނުކަމަށް ތުހުމަތު ކުރެވޭ މައްސަލައެއްގައި ކަމަށް ފުލުހުން މައުލޫމާތުދިނެވެ.
މި މައްސަލަ ފުލުހުން ތަޙުޤީޤުކުރަމުން އަންނައިރު ޔާޝިންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، 10 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައެވެ.
މި މަހުގެ 20 ވަނަ ދުވަހު ޔާޝިން ހައްޔަރުކޮށްފައިވާއިރު މި މަހުުގެ 5 ވަނަ ދުވަހުވެސް ކްރިމިނަލް ކޯޓުން ވަނީ ކެފޭއަކުން ކައިގެން ބިލް ނުދެއްކި ދިވެހި ފިރިހެނެއްގެ ބަންދަށް 10 ދުވަސް ޖަހާފައެވެ. ޔާޝިންއެކޭ އެއްގޮތަށް އޭނާއަކީވެސް އުމުރުން 23 އަހަރުގެ ޒުވާނެކެވެ.
Advertisement
This content is created and paid for by advertisers and does not involve Voice Journalists
