ކާބޯތަކެތީގެ އިޝްތިހާރުކުރުމާ ގުޅޭ އުސޫލު އިތުރަށް ސާފުކޮށްދީފި އެވެ
މޯލްޑިވްސް ފުޑް އެންޑް ޑްރަގް އޮތޯރިޓީން ބުނީ އިޝްތިހާރު ކުރުމާބެހޭ ގަވާއިދުގެ ދަށުން އެ އޮތޯރިޓީއަށް ހުށައަޅައިގެން ހުއްދަ ހޯދުމަށް ގަވާއިދުގައި ބަޔާންކޮށްފައި ވަނީ ކާބޯތަކެތި ނުވަތަ ކާބޯތަކެތި އުފެއްދުމަށް ބޭނުންކުރާ ބާވަތްތައް ނުވަތަ އެއްޗެއްގެ މަގުބޫލުކަން އިތުރުކުރުމުގެ މަގުސަދުގައި ހިންގާ ހަރަކާތްތަކަށް ކަމަށެވެ.
ރެސްޓޯރަންޓް ފަދަ ތަންތަނުގައި ބޭނުން ކުރާ "މެނޫ" އަދި ކާބޯތަކެތީގެ ހިދުމަތް ނުވަތަ ވަކި ކާބޯއެއްޗެއް ލިބެން ހުރި ކަމަށް ބުނެ އާމްދަނީ ހޯދުމަށް ގޭގައި ކާބޯތަކެތި ތައްޔާރު ކުރާ ފަރާތްތަކުން ނުވަތަ މި ނޫންވެސް މިފަދަ އެހެން ފަރާތްތަކުން ވާޗުއަލް ޕްލެޓް ފޯމް ނުވަތަ ސޯޝަލް މީޑިއާ މެދުވެރިކޮށް ކުރާ ކާބޯތަކެތީގެ ޕޯސްޓްތައް އިޝްތިހާރުގެ ގޮތުގައި ހުއްދަ ނަގަން ނުޖެހޭނެ ކަމަށް ވެސް ބުންޏެވެ.
ނަމަވެސް މިގޮތަށް ކޮށްފައިވާ ޕޯސްޓްގައި ހިމެނޭ ކާބޯތަކެއްޗަކީ ދެވަނަ އެއް ނެތް ނުވަތަ އެހެން ކާބޯތަކެއްޗާއެކު އަޅައިކިޔުން ފަދަ އިބާރާތެއް ނުވަތަ ފޮޓޯއެއް ނުވަތަ އެ ނޫންވެސް އެ ކާބޯތަކެއްޗެއްގެ މަގުބޫލުކަން ދޭހަވާފަދަ ކަމެއް ހިމަނާފައިވާނަމަ އެ އޮތޯރިޓީން ހުއްދަ ލިބިގެން ނޫނީ ބޭނުން ކުރުމަކީ މަނާ ކަމެއް ކަމަށް ވެސް ބުންޏެވެ.
ކާބޯތަކެތި އިޝްތިހާރު ކުރުމަށް ބޭނުންވާ ހުއްދަ ހޯދުމަށް އެދި ހުށައަޅާނީ ދިރިތި ޕޯޓަލް މެދުވެރިކޮށެެވެ.
Advertisement
This content is created and paid for by advertisers and does not involve Voice Journalists
