ފިތުރު ޒަކާތް ބަލައިގަންނަން މިހާރު ފަށާފައިވާއިރު، އޮންލައިންކޮށް ބޭނުން ތަނެއްގައި ހުރެގެންވެސް ޒަކާތް ދެއްކޭނެ އިންތިޒާމް ހަމަޖެހިފައުވާ ކަމަށް ޒަކާތު ހައުސް އިން ބުނެފިއެވެ.

މިމަހު 1 ވަނަ ދުވަހުން ފެށިގެން ރަމަޟާން މަހުގެ 27 ވަނަ ދުވަހުގެ ނިޔަލަށް މާލެއާއި އަތޮޅުތަކުގައި ފިތުރު ޒަކާތް ބަލައިގަންނަމުންދާއިރު، އޮންލައިންކޮށް ޒަކާތް ދެއްކުމުގެ ފުރުސަތު އެކި ޕްލެޓްފޯމް ތަކުން ވަނީ ހުޅުވާލާފައެވެ.

އެގޮތުން އޮންލައިން ކޮށް ޒަކާތް ދެއްކޭ ޕްލެޓްފޯމް ތަކަކީ؛

* އުރީދޫ އެމްފައިސާަ އަދި އެސްއެމްއެސް މެދުވެރިކޮށް

https://ore.do/zakat

* ބަނޑޭރި ޕޯޓަލް

https://bp.finance.gov.mv/

* ބީއެމްއެލް ވެބްސައިޓުން

https://zakaaiy.bankofmaldives.com.mv/

* ފަހިޕޭ އެޕްލިކޭޝަން

https://fahipay.mv/zakat/

* މޯލްޑިވްސް އިސްލާމިކް ބޭންކު

https://faisanet.mib.com.mv/charity/pay?rt=Fitr%20Zakat&campaignId=1

* ދިރާގުޕޭ ވެބްސައިޓް އަދި އެސްއެމްއެސް މެދުވެރިކޮށް

މީގެ އިތުރުން އިސްލާމީ ކަންތައްތަކާއި ބެހޭ ވުޒާރާގެ ހޯލުން ޒަކާތް ބަލައިގަންނައިރު، އަތޮޅު ތެރޭގައި އެ ރަށެއްގެ ރަށު ކައުންސިލް އިދާރާއިންވެސް ޒަކާތް ބަލައިގަންނާނެ ކަމަށް ބުނެފައިވެއެވެ.

އަދި، ރޯދަ މަހުގެ ފަހު 10 އަކީ ސަރުކާރު ބަންދު ދުވަސްތަކުގެ ގޮތުގައި ކަނޑައަޅާފައިވާތީ އެ ދުވަސްތަކުގައި މިނިސްޓްރީން ޒަކާތް ބަލައިގަންނަން ހާއްސަ ގަޑިތަކެއް ވަނީ ކަނޑައަޅައިފައެވެ.

ޒަކާތް ބަލައިގަންނަ ގަޑިތައް:

މާރިޗު 2 އިން 20- ރަސްމީ ބަންދު ނޫން ދުވަސްތަކުގެ ހެނދުނު 9:30 އިން މެންދުރު ފަހު 13:00 އަށް

23 މާރިޗުން 30 މާރިޗު- ހުކުރު ހޮނިހިރު ފިޔަވާ ކޮންމެ ދުވަހެއްގެ ހެނދުނު 11:00 އިން މެންދުރު ފަހު 14:00 އަށް

- އާދައިގެ ހަނޑުލުންނަމަ 12 ރުފިޔާ

- ތައިލެންޑް ހުދު ހަނޑުލުންނަމަ 62 ރުފިޔާ

- ބާސްމަތީ (އާދައިގެ) ހަނޑުލުންނަމަ 74 ރުފިޔާ

- ބާސްމަތީ މޮޅު ހަނޑުލުން ނަމަ 100 ރުފިޔާ

- ބާސްމަތީ އެންމެ މޮޅު ހަނޑުލުން ނަމަ 133 ރުފިޔާ

- ރަތް ހަނޑުލުންނަމަ 86 ރުފިޔާ

- އާދައިގެ ފުށުންނަމަ 10 ރުފިޔާ

- އާޓާ ފުށުންނަމަ 75 ރުފިޔާ