‏ކަރަންޓް ކުންފުނި -- ސްޓެލްކޯ އިން ރައްޔިތުންނަށް އޮޅުވައެއް ނުލާނެ ކަމަށާ އޮޅުވާލާނެ އެއްޗެއްވެސް ނޯންނާނެ ކަމަށް އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ ވިދާޅުވެއްޖެ އެވެ.

އެމްޑީ ފަހުމީ މިހެން ވިދާޅުވީ ކަރަންޓް ބިލާ ގުޅޭގޮތުން ބަޔަކު ފަތުރަމުންދާ ވާހަކަތަކާއި ގުޅިގެންނެވެ. 

ފަހުމީ ވިދާޅުވީ ސްޓެލްކޯއަކީ ކަސްޓަމަރުންނާއި ގާތުން މަސައްކަތް ކުރާ ގައުމަށް އިހުލާސްތެރި އަދި މަސައްކަތުގެ އަހުލާގާއި ސުލޫކު ހިފަހައްޓައިގެން މަސައްކަތް ކުރާ މުވައްޒަފުންތަކެއް ތިބި ކުންފުންޏެއް ކަމަށެވެ. އަދި ވިދާޅުވީ އެ ކުންފުނިން ރައްޔިތުންނަށް އޮޅުވާ ނުލާނެ ކަމަށާ އޮޅުވާލާނެ އެއްޗެއްވެސް ނޯންނާނެ ކަމަށެވެ.“އެމްޑީ އިތުރަށް ވިދާޅުވީ ސްޓެލްކޯއިން މަސައްކަތް ކުރާނީ އަބަދުވެސް އިހުލާސްތެރިކަމާއެކު. އަދި ސްޓެލްކޯއަކީ އަބަދުވެސް ކަސްޓަަމަރުންނަށް އެންމެ ލުއި ފަސޭހަގޮތް ހޯދައިދޭން މަސައްކަތްކުރާ ކުންފުންޏެއް،”

Advertisement

އެމްޑީ އަދި ވިދާޅުވީ ބިލްދެއްކުމަށް ދަތިވާ ފަރާތްތަކަށްވެސް ލުއި ގޮތްތައް އަބަދުވެސް އޮންނާނެ ކަމަށާ އެގޮތުން ސްޓެލްކޯ ވެބްސައިޓް ⁦‪.މެދުވެރިކޮށް  ޕޭމަންޓް އެކްސްޓެންޝަނަށް އެދުމުގެ ފުރުސަތު ހުރިހާ ކަސްޓަމަރުންނަށް ވާނީ ހުޅުވާލެވިފައި ކަމަށެވެ.

“މިކަމުގައި އަޅުގަނޑަށް ނުވަތަ ސްޓެލްކޯގެ އެއްވެސް ވެރިއަކަށް ގުޅާކަށް ނުޖެހޭނެ،” އުސޫލުގެ ތެރެއިން ހުރިހާ ކަސްޓަމަރުންނަށް ސްޓެލްކޯ އިން ދޭ ލުއިތައް ލިބޭނެ ކަން ފާހަގަކުރައްވާ ފަހުމީ ވިދާޅުވި އެވެ.

މި ރޯދަ މަހު ރައްޔިތުންނަށް ކަރަންޓާއި ފެން ބިލުން ޑިސްކައުންޓް ދޭން ރައީސުލްޖުމްހޫރިއްޔާ ނިންމެވުމުން ސްޓެލްކޯ އިން ވަނީ ޑިސްކައުންޓަށް ހާއްސަކޮށް ރޯދައަށް ވަކި ބިލެއް ހަދަން ނިންމާފަ އެވެ.