މިފަހަކުން ސޯޝަލް މީޑިއާގައި އެންމެ ގިނަ ބަޔަކު ދައްކަމުންދިޔަ އެއް ވާހަކައަކީ އިންފްލުއެންސަރަކަށް ނުވާތީވެ، އެވޮން އިން ދެމުން އަންނަ ތަށިސެޓް ނުލިބޭނެ ވާހަކައެވެ. އެވޮންއިން މާކެޓް ކުރުމުގައި މިފަހަރު ގެންގުޅުނު މި އުކުޅުގެ ސަބަބުން ހަމަ ގައިމުވެސް އެއްކަމެއް ވައިގަ ހިފައިފިއެވެ. އެއީ އެވޮން އިން ވިއްކަމުން އަންނަ ތަށިސެޓްތަކަށް އާއްމުންގެ ފަރާތުން ލިބުނު މަޤްބޫލުކަމެވެ. ހުޅުމާލޭ ރަބަރުގަސްމަގު 7 ގައި ހުންނަ އެވޮން ފިހާރައަކީ ތަފާތު ވައްތަރުގެ މޮޅު، ތަށި ސެޓާއި ފަރުނީޗަރުފަދަ ތަކެތި ވިއްކުމުގައި މަޝްހޫރު އަދި އާއްމުންގެ ވަރަށްބޮޑު މަޤްބޫލުކަމެއް ލިބިފައިވާ ފިހާރައެކެވެ.
އެވޮންއިން ވަނީ އިންފްލުއެންސަރުންގެ ގޮތުގައި މިހާރު މީސްމީޑިއާގައި ފާހަގަކޮށްލެވޭ ފަރާތްތަކަށް އެ ފިހާރައިން ވިއްކަމުންދާ ތަށިސެޓް ހަދިޔާކޮށްފައެވެ. ތަށި ސެޓްގެ ތަފާތު ޑިޒައިންތައް ވަނީ ހަދިޔާގެ ގޮތުގައި އެކި އިންފްލުއެންސަރުންނަށް ދީފައެވެ. އަދި މިކަން ގިނަ ބައެއްގެ ސަމާލުކަންވެސް ވަނީ ލިބިފައެވެ.
އެވޮންއިން މާކެޓް ކުރުމުގައި ގެންގުޅުނު މި އުކުޅުގެ ސަބަބުން ތަށިސެޓްގެ ސޭލްސް ވަރަށް ރަނގަޅުކަމަށް އެފިހާރައިން ބުނެއެވެ. އޭގެ ބަދަލެއްގެ ގޮތުން އެވޮންއިން ވަނީ ތަށިސެޓް ސޭލްސް އިން ލިބުނު ފައިދާގެ ބޮޑުބައެއް ފިޔަވަތީގައި ތިބޭ ކުދިންގެ ބޭނުންތަކަށް ހޭދަކުރުމަށް ދިނުމަށް ނިންމާފައެވެ. އެވޮންއިން ވަނީ އެކަން ސޯޝަލް މީޑިއާގައި ކުރި ޕޯސްޓެއްގައި ހާމަކޮށްފައެވެ.
އެވޮންއިން ފިޔަވަތީގައި ތިބޭ ކުދިންނަށް ދިން ރޯދަ ވީއްލުމުގެ ތެރެެއިން..
ވޮއިސްއަށް މައުލޫމާތު ހިއްސާކުރި އެވޮންގެ އޮފިޝަލަކުވެސް ވަނީ އެކަން ޔަޤީންކޮށްދީފައެވެ. އެވޮންއިން މިއަދު ވަނީ، ފިޔަވަތީގައި ތިބޭ ކުދިންނަށް ރޯދަ ވީއްލުމެއްވެސް ދީފައެވެ. މި ރޯދަ ވީއްލުމުގެ ތެރެއިން އެވޮންއިން ވަނީ ފިޔަވަތީގައި ތިބޭ ކުދިންގެ ކިޔެވުމުގެ ކަންކަމުގައި ބޭނުންކުރެވޭނޭ ތަކެތި ހަދިޔާގެ ގޮތުގައި ދީފައެވެ.
އެވޮންއިން ފިޔަވަތީގައި ތިބޭ ކުދިންނަށް ދިން ރޯދަ ވީއްލުމުގެ ތެރެެއިން..
އެވޮންއިން ވަނީ ތަށިސެޓް ގަތް ފަރާތްތަކަށް ހާއްސަ ޝުކުރެއް އަދާކޮށްފައެވެ. ކޮންމެއަކަސް މިހާރު އެވޮންގެ ތަށިސެޓް ނުލިބިގެން ޝަކުވާއެއް ނެތެވެ. އެވޮންއިން އިންފްލުއެންސަރުން ބޭނުންކޮށްގެން ހިންގި މާކެޓިން އުކުޅުގެ ނިޔަތް މިހާރު މިއޮތީ ސާފްވެފައެވެ. އެވޮންއިން އެކަން އެގޮތަށްކުރި ސަބަބު މިހާރު ސާފުވެއްޖެއެވެ.
އެވޮންއިން އެބުނީ ރަނގަޅަށެވެ. އަހަރެމެން އެންމެންވެގެން މަސައްކަތްކޮށްފިނަމަ، ތަފާތެއް ގެނެވިދާނެއެވެ.
Advertisement
This content is created and paid for by advertisers and does not involve Voice Journalists
