މެލޭޝިއާގައި ގެއްލިގެން ހޯދަމުން އަންނަ އަހުމަދު އުސެއިދު އިބްރާހިމް އަފީފްގެ ވޮލެޓާއި ސްޓޫޑެންޓް އައިޑީކާޑު ފެނިފައިވާކަމަށް އޭނާގެ ބައްޕަ އިބްރާހިމް އަފީފް ބުނެފިއެވެ.
ސޯޝަލް މީޑިއާގައި އިބްރާހިމް އަފީފް މިރޭ ކުރި ޕޯސްޓެއްގައި ބުނެފައިވަނީ، އުސެއިދުގެ ވޮލެޓާއި ސްޓޫޑެންޓް އައިޑީކާޑު ފެނުނުއިރު، މެލޭޝިއާގައި ހުންނަ ރާއްޖޭގެ އެމްބަސީ ހުންނަ ސަރަހައްދުން އުސައިދު ހެޔޮހާލުގައި ހުއްޓައި ސީސީޓީވީ ފޫޓޭޖްތަކުން އެނގިފައިވާކަމަށެވެ.
އުސައިދު ގެއްލިފައިވަނީ މިމަހުގެ ދެ ވަނަ ދުވަހުއެވެ. އެދުވަހު އުސައިދު ގެއިން ނިކުމެފައިވަނީ 15:15 ގައެވެ. އޭނާ ގެއްލުނުކަމަށް ނިންމައި ފުލުހުންނަށް އެކަން ރިޕޯޓްކޮށްފައިވަނީ އެ ރޭގެ 22:00 ގައެވެ. އުސައިދު ގެއްލުނު މައްސަލަ މައްސަލަ ފައިލް ކުރި ހިސާބުން ފެށިގެން، ޕޮލިހުންނާއި ހައި ކޮމިޝަންގެ ބޭފުޅުން އޭނާ ހޯދުމުގެ މަސައްކަތް ފަށާފައިވާކަމަށް އޭނާގެ ބައްޕަ އަފީފް ބުންޏެވެ.
އެކިއެކި ގްރޫޕްތަކުގައްޔާއި ، ހެޔޮއެދޭ ފަރާތްތަކުން އުސައިދު ފެނޭތޯ ކުރެވެންހުރި ހުރިހާމަސައްކަތެއް ހުއްޓުމެއްނެތި ކުރަމުން ގެންދިޔަކަން ވަރަށް ޝުކުރުވެރިކަމާއެކު ފާހަގަކުރަމެވެ. އެގޮތުން ކުރެވުނު މަސައްކަތުން ސީސީ ކެމެރާ ފްޓޭޖް ތަކުން ލިބުނު މައުލޫމާތުންނާއި، ބައެއްމީހުންގެ ފަރާތުން ލިބުނު މައުލޫމާތުން، ހަމަ އެދުވަހު 16:00 އެހާކަށްހާއިރު، އުސައިދު ރާއްޖޭގެ އެމްބަސީއަށް ދިޔަކަން އެނގުނެވެ.ނަމަވެސް އެދުވަހަކީ ބަންދު ދުވަހަކަށްވާތީ އެމްބަސީގެ މީހަކާ ބައްދަލުވާގޮތެއްނުވުމުން، އެތާގައި ގަޑިއެއްހާއިރު މަޑުކޮށްފައި ނުކުމެގެންދިޔައިރު އުސައިދުގެ ވޮލަޓްެއާއި ސްޓޫޑެންޓް ކާޑު ވަނީބޭއް ވިފައެވެ
އުސައިދުގެ ބައްޕަ ކުރި ޕޯސްޓްގައި ބުންޏެވެ
އުސައިދުގެ ބައްޕަ ބުނީ އިއްޔެ އެމްބަސީ ހުޅުވުމާއެކު، އެތަނުގެ ކެމެރާތައް ބަލާ ޗެކްކުރިއިރު އެހިސާބުން އުސައިދު ސަލާމަތުން ހުރިކަން ވަނީ އެނގިފައިވާކަމަށެވެ. އަދި މިއަދު 11 ޖެހިއިރު ހައިކޮމިޝަނުން އުސައިދުގެ ވޮލެޓާއި ސްޓޫޑެންޓް ކާޑު ޕޮލިސް މެދުވެރިކޮށް އާއިލާއާ ހަވާލުކޮށްފައިވާކަމަށް ބުންޏެވެ.
އުސައިދުގެ ވޮލެޓް
ނަމަވެސް އުސައިދު އާ އަދި ބައްދަލުވެފައި ނުވާކަމަށާއި، އިރާދަކުރެއްވިޔާ ވަރަށްއަވަހަށް އުސައިދުގެ ޚަބަރެއް ވާނޭކަމަށް އަފީފް ބުންޏެވެ. އަފީފް ބުނީ ހެޔޮހާލުގައި އުސައިދު ހުރިކަން ކެމެރާ ތަކުން ފެންނަ ކަމަށެވެ. އޭނާ ހުރީ ރަތްކުލައިގެ ޓީޝާޓެއްލައިގެން ކަމަށްވެސް އަފީފް ބުންޏެވެ.
Advertisement
This content is created and paid for by advertisers and does not involve Voice Journalists
