ހުޅުމާލޭ ހިތިގަސްމަގާ ދިމާ ބްރިޖުން ރޭ ފަތިހު މޫދަށް ވެއްޓުނު މީހަކު ސަލާމަތްކޮށްފިއެވެ.

ފުލުހުން ބުނީ މިހާދިސާގެ މައުލޫމާތު ފުލުހުންނަށް ލިބިފައިވަނީ ފަތިހު 5:42 ހާއިރު ކަމަށެވެ.

އަދި މިރިޕޯޓު ލިބުމާއި ގުޅިގެން ފުލުހުން އެތަނަށް ގޮސް އެމީހާ ނެގުމަށްފަހު 6:13 ހާއިރު އެމީހާ ހުޅުމާލެ ހޮސްޕިޓަލަށް ގެންގޮސްފައިވާ ކަމަށެވެ.

އެމީހާގެ ހާލު ރަނގަޅުކަމަށް ހޮސްޕިޓަލާއި ހަވާލާދީ ފުލުހުން މައުލޫމާތުދެއެވެ.

މި ހާދިސާއާއި ގުޅިގެން ބަލަންޖެހޭ ކަންކަން ބަލަމުންދާކަމަށް ފުލުހުން ބުންޏެވެ.